lunes, 28 de febrero de 2011

ROSALÍA DE CASTRO

O día 21 de marzo será o Día da Poesía pero o 24 de febreiro foi o día no que naceu Rosalía de Castro, así que fixemos algo moi especial para homenaxeala.
Somos galegos polos mariñeiros e labregos e por ela, que foi quen de botar bolboretas cos seus poemas na lingua do mar e do campo.
Facendo uso da megafonía interna, as profes Iria e Melani tocaron a dúas voces unha versión instrumental de Negra Sombra coas súas frautas traveseiras(do compositor Juan Montes Capón, 1840-1899) mentres unha alumna de 6º curso sobrelía o texto do poema.Todo o alumnado e profesorado saíu aos corredores para a súa escoita atenta.


ROSALÍA DE CASTRO on PhotoPeach

viernes, 25 de febrero de 2011

NOVA XUNTANZA ARREDOR DO ÁLBUM ILUSTRADO

O día 23 ás 16:30h xuntámonos outra vez para contármonos contos.
Esta vez o tema foi a comida: Handa's surprise, Arándanos para Sal, La ovejita que vino a cenar, Una sopa de piedra,The tiger who came to tea, Cuentos del cocinero, A que sabe esta historia? e o primeiro álbum cartoneiro feito na escola por Diana de 5º A.

sábado, 19 de febrero de 2011

CONTACONTOS CON ANIMACIÓN MUSICAL

Actividade de contacontos con animación musical da man do músico Servando e cortesía da editorial SM.O luns 7 de febreiro actuou para todo o primeiro ciclo e o martes 15 de febreiro para todo infantil.As historias que compartiu cos nenos e nenas trataron sobre o respecto aos bosques e a contribución ao seu coidado.Aquí tedes unha mostra.

sábado, 5 de febrero de 2011

7ª CARTA DO RATO

COIDA UN BONSAI DE OLIVEIRA NA TÚA AULA

Tal e como vos informou na carta o rato,a árbore que converteu a Bruxa Poucasmigas Malababa en Bonsai de Oliveira está xa sendo coidada nas aulas de infantil e primaria.Se a túa clase participa nesta misión, permanecede alerta pois proximamente a teredes baixo a vosa supervisión.Non esquezades seguir as instrucións do seu coidado.Os bonsais son delicados e precisan dunhas atencións especiais...Por todos e todas é sabido o beneficioso que é a música para as plantas, que estimula o seu crecemento entre outras cousas.
As plantas, como todo ser vivo,  estrésase,  reláxase, come, reprodúcese e morre.Non escoitarán a música pero si que senten as súas vibracións.Tanto ten...a cuestión é que saben cando son coidadas e cando non, así que aí vai un pouco de música  para un coidado extra do noso bonsai, que non se diga que non o mimamos.
O tema, popular portugués, titúlase "Ó, que linda rama" e fai referencia á árbore da oliveira.



Unha versión para os máis pequechos e pequechas...



Unha versión en karaoke para que practiquedes,aínda que o arranxo non soa de todo apatecible...



O coñecido grupo Malvela tamén ten incluída esta canción no traballo "que o pano non me namora" e dispoñemos na biblioteca doutra versión no cd de "Meniños Cantores" (pista nº 5).



viernes, 4 de febrero de 2011

LEVÍRTETE NO SALÓN DO LIBRO!

Un ano máis o Salón do libro Infantil e Xuvenil de Pontevedra abre as súas portas o vindeiro 6 de febreiro para baixo o título "É mentira", que nos propón participar en múltiples actividades: obradoiros, teatro, maxia, conferencias, contacontos, circo... Este ano a mentira será o fío conductor. Mentiras que desencadean historias. O Lobo Feroz que minte a Carapuchiña, Pinocho, Pedro e o lobo, o Gato con botas…
nun amplo programa de actividades no que toda a familia pode participar.Animádevos a visitalo,no Pazo da Cultura de Pontevedra, aos libros lles encantará contar coa vosa presencia!

"QUERCUS FORTIS IN SÉCULA"

Gústame esta árbore centenaria porque ten unha bonita historia:

Na parcela na que se atopa este carballo, o Goberno Galego quixo construir un edificio de vivendas.
Aos veciños da Doblada non lles gustou a idea de ter que cortar unha árbore tan nosa como esta e con tantos anos de historia, polo que rapidamente puxéronse mans á obra recopilando sinaturas de todos os vigueses.
Meus pais firmaron para que o salvasen, aportando así o seu gran de area para que hoxe podamos disfrutar dun fermoso parque no que sobrevive o "QUERCUS FORTIS IN SECULA"
Texto de Mariña Heras (alumna de 3º de primaria)

 

jueves, 3 de febrero de 2011

miércoles, 2 de febrero de 2011

A POMBA DA PAZ?

Mirade esta divertida curta de animación titulada "Pigeon: Impossible" na que un axente novato segredo ten que enfrontarse cun problema pouco habitual no seu traballo: que facer cando unha pomba curiosa queda presa dentro dunha multimillonaria maleta de emisión nuclear do goberno dos EE.UU...