jueves, 17 de diciembre de 2015

PARA LER NO NADAL

Chega o Nadal, un tempo propicio para a lectura e os agasallos  e como sempre, dende a Ratoeira dos Contos, por estas datas, recoméndanse unha serie de libros para que os nenos/as pidan este Nadal a Papá Noel ou aos Reis Magos.
Dexesamos que vos gusten. BO NADAL!!!

martes, 24 de noviembre de 2015

BIBLIOPATIO

Hoxe o equipo de biblioteca coa inestimable colaboración dun grupo de alumnos e alumnas, puxo en marcha o proxecto BIBLIOPATIO. 
Este proxecto pretende achegar o placer da lectura ó recreo e crear novos recunchos de lectura.
Foi todo un éxito, esperamos seguir así.























jueves, 22 de octubre de 2015

24 DE OUTUBRO: DÍA DAS BIBLIOTECAS

O 24 de outubro celebramos o Día das Bibliotecas.
Esta celebración ten como obxectivo principal concienciar a sociedade da importancia da lectura.
Cartaz dia Biblios 2015
A  Asociación Española de Amigos del Libro Infantil  celebra este día como homenaxe ao labor que desempeñan os bibliotecari@s.
Cada ano  encargase a un escritor e a un ilustrador, a redacción do pregón e el dieseño do cartel que se difunde entre todas as bibliotecas de España.
Este ano o autor seleccionado é Diego ArboledaPremio Nacional de Literatura Infantil 2014 e a ilustradora Leticia Ruiz Fernández.


martes, 6 de octubre de 2015

PREMIO NACIONAL DE LITERATURA INFANTIL



A escritora viguesa Ledicia Costas foi galardoada co Premio Nacional de Literatura Infantil 2015, polo seu libro
 " Escarlatina, a cociñeira defunta".


O xurado premiou a súa obra por ser «unha obra extraordinaria, humorística e rompedora no contexto da literatura infantil e jxuvenil actual que destaca tamén pola súa fácil lectura, polo humor escalofriante, e pola habilidade para desmitificar o mundo da morte».

Parabéns Ledicia!

Esta extraordinaria obra está cargada de mensaxes que chegan ao corazón. 
Non deixes de leela, pódela atopar na nosa biblio.

domingo, 13 de septiembre de 2015

BENVIDOS E BENVIDAS

Dende a Ratoeira dos Contos, queremos darvos a benvida a este novo curso que comeza. O equipo da biblioteca está a traballar para que a nosa biblioteca esté a punto. Para elo estamos reorganizando espazos, rexistrando e etiquetando libros novos e realizando un expurgo cos libros estragados para dar cabida aos novos, actualizando os carnés dos novos lectores...En fin, unha tarefa complexa na que estamos inmersos. Pero pronto teremos a biblioteca preparada.
Ánimo e adiante!!!
Bo curso a todos!!!

miércoles, 10 de junio de 2015

UN MAR DE REFRÁNS

"Onde hai patrón, non manda mariñeiro", "as estrelas a brillar, mariñeiro para o mar", "en xaneiro, a faneca sabe a carneiro", "o que queira peixe que molle o cú"... son algúns dos ditos e refráns da nosa cultura mariñeira que plasmaron os nenos e nenas do cole neste mural.


lunes, 8 de junio de 2015

DÍA MUNDIAL DOS OCÉANOS

La UNESCO presenta la Plataforma Océano y Clima 2015 con motivo del Día Mundial de los Océanos
O 8 de xuño foi declarado Día Mundial dos Océanos pola ONU para lembrarnos a importancia de conservar os nosos océanos. Este ano o lema é: "Océanos sans, planeta san"
Este ano é especialmente significativo este día, por estar moi relacionado co Plan Proxecta que estamos a desenvolver no colexio. É moi importante comer peixe fresco, para iso témonos que concienciar da importancia de manter o medio mariño san.e garantir así a súa sostenibilidade.
Coincidindo con esta cita , dende google quixeron facer una pequena homenaxe aos océanos e traballaron para ofrecer estas incribles vistas mariñas.
Con tan só un clik poderemos nadar con: tartarugas, peixes baleas e todo tipo de criaturas mariñas.
Recordade que xuntos podemos protexer o océano que ben merece a pena.

http://www.europapress.es/sociedad/medio-ambiente-00647/noticia-impresionantes-imagenes-submarinas-celebrar-dia-mundial-oceanos-2015-20150608110017.html

Os alumnos de 6º do colexio fixeron unha interpretación da BSO da película de TITANIC na aula de música para rendirlle tributo aos nosos océanos e lembrar que tanto nos dan pero tamén tanto nos quitan, por iso nunca debemos perderlles o respeto.






 

viernes, 5 de junio de 2015

NA DOBLADA COMEMOS FROITA



Participamos no Plan de consumo de froita fresca nas escolas.Durante a pasada quincena tivo lugar o reparto e cosumo da froita nas aulas Con este Plan pretendemos incidir ,co noso alumnado, nos bos hábitos alimentarios de consumo de froitas e verduras dende pequenos . Deixamos aquí un pequeno resumo fotográfico do que foi esta actividade no colexio.

Gozamos cuns maduros e saborosos PLÁTANOS.

Por se aínda non o sabías...  tamén comemos PAVÍAS!

 CEREIXAS! Aproveitade a comelas pois como ben di o refraneiro popular galego: "Dende maio a xullo as cereixas son coma puños"

E  tamén tivemos... unha PERA que non espera !



Un mércores comemos .....AMORODOS!! Unha das nosas favoritas...





E para afrontar con enerxía o día.. unhas boas MAZÁS!


Todas elas estaban boísimas!!!!





lunes, 1 de junio de 2015

EMBARCACIÓNS TRADICIONAIS GALEGAS

O alumnado de 5ºA afondou no coñecemento destas embarcacións tradicionais da man da súa titora Belén mediante estas dúas maquetas feitas artesanalmente.


EMBARCACIÓNS TRADICIONAIS GALEGAS on PhotoPeach



AS LANCHAS DO XEITO

Aí veñen as lanchas do xeito
pescando sardiñas a eito,
e van cara á banda do mar
porque os de Rianxo
non saben pescar.


A DORNA (cantada pola Roda)

Meu pai deixoume a dorniña, miña nai deixoume o mare,
non tiña máis que deixarme nin eu teño máis que dare
Non che teño, rapaza, outra cousa que dar
máis que o peixe fresquiño que eu che traio do mar,
que eu che traio do mar, que eu che traio do mar,
non che teño, rapaza, outra cousa que dar.
Teño unha lanchiña en Cangas que lle chaman a Manuela
en toda a ría de Vigo non hai lancha coma ela BIS
Non che teño, rapaza, ...
San Hadrián é barqueiro, barqueiro é San Hadrián
San Hadrián é barqueiro, que leva o trevo na man,
Non che teño, rapaza, ...
Teño lanchas, teño redes, teño sardiñas no mar,
teño unha nena bonita, xa non quero traballar,
xa non quero traballar, xa non quero traballar,
teño lanchas, teño redes, teño sardiñas no mar.

ALGAS:AS VERDURAS DO MAR

O alumnado de 3º B iniciouse no coñecemento das algas como produto alimenticio. Case todos e todas apartamos as "leitugas de mar", unha variedade moi común no océano atlántico, cando nos imos bañar na praia ou pensamos que só serven para abonar a terra dos cultivos... pero hoxe os nenos e nenas miraron estas algas dende unha óptica diferente. Miraron as algas como un SUPERALIMENTO xa que as que se comercializan teñen un altísimo contido en sales minerais, vitaminas, fibra e proteínas... e as podemos incorporar á nosa dieta en ensaladas, arroces, revoltos, potaxes... veña! A que esperades para probalas?!

O SABOR DA MÚSICA

Unha música que brota da terra. Doces e frescas armonías xorden de cenoiras que se transforman en frautas,pementos en trompetas, cabazas en tambores ,cogombros en caixas chinas, berenxenas en castañolas...e todo grazas á sorprendente ORQUESTA VEXETAL DE VIENA !!!





A continuación deixámosvos co noso modesto intento por emular a esta espectacular orquestra da man de 6ºB!


ALIMENT- ARTE

Tomando como punto de partida o Plan Proxecta no que participamos este ano "Alimentate ben", tentamos crear espazos e actividades motivadoras, expresando os coñecementos adquiridos a través de debuxos, paneis ... empregando distintos materiais e técnicas de expresión plástica.

PINTANDO BODEGÓNS
Aprendemos moitas cousas sobre os bodegóns. Agora xa sabemos que son obras de arte que representan obxectos inanimados, xeralmente cotidiáns, que poden ser naturais ou feitos polo home.
Tivemos a oportunidade de desenvolver a creatividade e coñecemento a través dun taller de plástica 
 Os alumnos de 4ºB fixeron a súa propia interpretación de bodegóns de autores famosos: Vicent Van Gogh, Paul Cezanne e Pablo Picasso
 Nesta presentación podedes ver que resultados tan interesantes.



Os alumnos de 5º tamén fixeron as súas reproduccións de bodegóns.



















RECICLANDO PEIXES
 Démoslles unha nova vida aos cds que xa non eran útiles convertíndoos en peixes multicores que ambientaron os pasillos do noso cole axudando a recrear o medio mariño.


FACENDO MAQUETAS
Promovemos a investigación sobre ecosistemas relacionados co mar entre os alumnos/as de 4º a través  dos diversos recursos informáticos. Plasmaron en maquetas o aprendido.


Tamén os alumnos de 5º investigaron sobre o noso planeta, hábitat de miles de formas de vida , tanto animais como vexetais.Tomaron conciencia da transcendencia que ten coidar o noso planeta e os nosos recursos naturais e tamén aprenderon a importancia de adquirir hábitos de consumo e producción responsables.









jueves, 28 de mayo de 2015

BARCO BROCHETAS

Despois de descubrir a importancia da froita para unha alimentación saudable, puxemos en marcha a nosa imaxinación e... pintando, recortando, pegando  fomos quen de crear este barco brocheta que non nos levará moi lonxe navegando pero...é comestible!!!



COLLAGE DE FROITAS

Partindo  do conto "A pequena eiruga glotona" de Eric Carle como elemento motivador, aproveitamos para introducir  ao noso alumnado no mundo das froitas, recoñecemos as que aparecen no conto e saboreámolas.
 Fixemos un collage no que ensamblamos as diversas actividades realizadas na aula cun denominador común: A froita, e a súa importancia para unha alimentación saudable.
Neste collage aparecen diferentes técnicas plásticas ( pintura con pincel, rasgado de papel...), lóxica- matemática ( pesando froitas, facendo series...),




PROBANDO FROITA

Os nenos e nenas de 5 anos B tamén participamos no Programa "Froita fresca na escola". 
A través da observación e a experimentación sensorial (vista,tacto,olfacto,gusto)  chegamos a descubrir  a importancia dunha alimentación variada e equilibrada. na que as froitas deben ter un papel protagonista.



viernes, 22 de mayo de 2015

PLAN PROXECTA: ALIMÉNTATE BEN

Os alumnos do noso cole saben da importancia que teñen na alimentación diaria as froitas e as verduras e fixeron esta especie de "spot publicitario" para que vos animedes a consumilas.Lembra que debes tomar polo menos 2 racións de verduras e hortalizas e 3 pezas de froita cada día! Aproveita os produtos de temporada que hai nos mercados agora que ben o bo tempo!



miércoles, 20 de mayo de 2015

ADIVIÑA QUEN?

Para comprobar todo o aprendido durante a exposición, preparamos o xogo de "Adiviña Quen? na biblioteca.Podedes xogar por equipos entre os compañeiros e compañeiras da clase.Primeiro quitade todos os carteis cos nomes e despois volvédeos a colocar cada un no seu lugar correspondente. Podedes darlle máis emoción se asignades un tempo determinado para a colocación dos carteis e así tamén engadides algo máis de dificultade ao xogo. Veña, logo! A que esperades? Pasádevos pola biblio e a xogar!





martes, 19 de mayo de 2015

O PROXECTA NAS ONDAS




 O venres 15 de maio estivo a radio no colexio.
Foi unha  das actividades que organizamos dende o equipo da biblioteca, achegar  un estudio de radio aos nenos. Onda Cero estivo con nós e alí contamos moitas das actividades que realizamos no cole, entre elas a nosa participación no Plan Proxecta, . A experiencia para eles foi maravillosa, máxica, fabulosa...Escoitade que ben o contan os nenos e nenas de 4º e 5º!

lunes, 18 de mayo de 2015

AGALEGADOS

Xogamos: Agalegados do mar e Agalegados das froitas.
Facemos palabras coas letras nos taboleiros como se fose o Scrabble, empregando palabras relacionadas con mar e palabras relacionadas con froitas, repasando así o vocabulario galego.
   

domingo, 17 de mayo de 2015

EXPOSICIÓN SOBRE APARELLOS DE PESCA

O de comer peixe e marisco xa sabemos o beneficioso que é para a nós pero tamén debemos saber que as veces custa moito traballiño capturalos... Aquí tedes unha pequena mostra dalgunhas artes de pesca e marisqueo de baixura empregados en Galicia para ir "faenar" instalada durante unha semana na aula de música (xa que por aí pasa a totalidade do alumnado) e sempre con moita precaución á hora de manipular os aparellos.
Foi precisamente esta exposición a que nos permitiu amosarlle ao noso alumnado algunhas artes, aparellos e utensilios usados polos nosos mariñeiros e mariñeiras co obxectivo de achegalos a nosa rica e diversa cultura do mar.


A continuación podedes ver algunhas fotos tomadas durante a semana da exposición:

lunes, 11 de mayo de 2015

LETRAS GALEGAS 2015

Aquí vos deixamos unha selección de recursos para traballardes as Letras Galegas 2015, feita pola Secretaría Xeral de Política Lingüística.
Preme na imaxe para acceder.


Tamén xa temos na web do Seminario Galán información e diverso material didáctico, en PDF e en Rede para E. Infantil e E. Primaria, sobre o autor homenaxeado: Xosé Filgueira Valverde.





domingo, 10 de mayo de 2015

VISITA A LONXA E AO MUSEO DO MAR

A semana pasada visitamos a Lonxa do Berbés. Non puidemos ver a subasta de peixe porque cando chegamos xa rematara...unha mágoa! Pero aínda quedaba por alí algún peixe que obsevamos con atención.
Despois no  Museo do mar gustounos moito un curioso submarino e os traxes antigos de submarinistas. Pero para os nenos o mellor foi o acuario que reproduce o ecosistema da ría de Vigo.
Rematamos esta actividade cun xantar  no colexio, onde  invitaronnos a degustar pratos elaborados con peixe:- Sopa de peixe e  Fideua de mexillóns. Estaban deliciosos.

jueves, 7 de mayo de 2015

E DESPOIS DOS OBRADOIROS DE "ARROASES"...


Recomendamos estes dous volumes da Enciclopedia Temática Ilustrada da Editorial A Nosa Terra para afondar nos diferentes contidos traballados durante os Obradoiros de "arroases".
 Podedes atopalos no recuncho de libros que temos destinado na biblioteca co resto dos libros sobre temática mariña.

domingo, 3 de mayo de 2015

ENTRE RESTOS DE CRUSTÁCEOS E MOLUSCOS

Adicamos toda unha semaniña enteira a manipular e recoñecer cunchas de diferentes animais mariños. Entre esas cunchas tamén se colaron unllas de percebes,caparazóns de centolas da ría e de ourizos de mar , unha xibia dun choco e ata unha estrela de mar!
Aprendimos as diferentes calidades gastronómicas das especies que posúen estas cunchas. Por exemplo: o ourizo de mar é coñecido como o "caviar dos pobres". O percebe e a centola tamén teñen un elevado recoñecemento culinario e un elevado prezo nos mercados, claro está. A peneira ou orella de mar é moi cotizada China, país ao que exportamos grandes cantidades...
Dentro dos vivalvos aprendimos a diferenciar variedades como a zamburiña, a volandeira e a vieira. Esta última máis grande que as anteriores e cunha cuncha plana e a outra cóncava, mentres que a zamburiña e a volandeira teñen as dúas cunchas cóncavas. Ademais observamos que a volandeira ten unha cor violácea e ten unha orella(pequenas aletas situadas no vértice da cuncha) máis grande ca outra e a zamburiña e de cor clara como a vieira e unha das orellas case non se distingue do resto da cuncha.
Tamén analizamos detidamente a diferencia entre as diferentes variedades de ameixas, entre elas as chirlas son as máis valoradas na cociña.
Aproveitamos tamén para falar sobre outros aspectos relacionados co mar como a comercialización de produtos galegos ou produtos procedentes da importación(que chegan na súa maioría aos mercados en estado conxelado e non en estado fresco),o furtivismo, as confrarías de pescadores, as poxas nas lonxas, o desove(época na que moitas especies poñen ovos) a sobreexplotación(é dicir, capturar máis do que se debería, o que contribúe a que escaseen algunhas especies de peixes e mariscos), a acuicultura...
Como vedes a exposición deu para moito!

viernes, 1 de mayo de 2015

2º OBRADOIRO DOS "ARROASES"

Onte 30 de abril recibimos por 2ª vez a visita dos arroases que fixeron  obradoiros, onde diferentes personaxes nos axudaron a  descubrir os beneficios dos produtos do mar e  a preservar o noso  medio mariño.
 Tamén fixeron un divertido xogo cooperativo en forma de traineras onde aprenderon a diferenciar as diversas especies de peixes e marisco.



Ao final todos tivemos un carnet que nos acredita como membros do club dos Arroases.

jueves, 30 de abril de 2015

VISITA AO CENTRO DE INTERPRETACIÓN P. N. DAS ILLAS ATLÁNTICAS

Aproveitando a especial relación que temos co mar este ano a través do Plan Proxecta que estamos desenvolvendo dende  a biblioteca, o alumnado de 3º de Primaria visitou o Centro de Interpretación do parque Nacional das illas Atlánticas. Un lugar paradísiaco do noso entorno.
As diferentes zonas expositivas permitíronlles coñecer aos nenos a xeografía das illas: Cies, Ons, Sálvora e Cortegada dunha maneira interactiva e lúdica. Ata se disfrazaron de piratas, mariñeiros, reis dos mares...



viernes, 24 de abril de 2015

EN INFANTIL ALIMÉNTANSE BEN!

Todo comezou coa degustación dunha macedonia de froitas como punto de partida.
 Despois realizaron actividades como:
-Recoñecemento das froitas utilizando todos os sentidos agás a vista(5 anos A)
-Asociar cada froita co seu nome.
-A partir do conto Que tal, vexetal? traballaron as emocións e despois puxéronlle emocións ás froitas que probaron.
-Por último, un "AGALEGADOS" para repasar todo o vocabulario aprendido.









lunes, 20 de abril de 2015

O TOMATE : FROITA OU VERDURA?

O tomate non é uhan verdura ou unha hortaliza, é unha froita !
Coñecemos mil xeitos distintos de comer tomate: en salsa, crú, en guisos, en gazpacho...
Por tradición, ao ser consumido en ensaladas ou como guarnición das comidas principais e non como postre, consideramos que o tomate é unha verdura ou hortaliza e non unha froita. Pero os científicos demostraron o contrario.
A clave para clasificalo como froita atópase no seu interior: as sementes(non fai falla ser un experto en botánica para saber que a froita é a parte das plantas que conteñen as sementes, non si?)
Sorprendidos? En fin...hai unha cousa que SI está ben clara:o tomate é un dos protagonistas da cociña mediterránea e ten numerosas propiedades nutricionais.
Xa o di o grupo de música infantil "Mamá Cabra" nunha canción: "SE UNHA COUSA É IMPORTANTE; ESA COUSA É O TOMATE" ,incluída no libro-disco-DVD 'Bicos de música' da Editorial Galaxia, que temos na nosa biblioteca.


ENCONTRO CON PACO NOGUEIRAS Hoxe visitounos Paco Nogueiras, tivo unha sesión moi divertida de contos e música con 1ºA e B e por suposto tivo o detalle de saudar ós protagonistas do vídeo que o curso pasado gañou os concursos coa súa canción "En galego meu o mundo é". Disfrutamos moitísimo de poder BRINCAR xuntos. Ata a próxima! Esta foto publicouna el mesmo no seu Facebook, en canto poidamos, subiremos as que sacamos no cole!


miércoles, 15 de abril de 2015

O PEIXE DE MANOLA, O PEIXE QUE MÁIS MOLA!


O alumnado de 1ºA ,acompañados da súa mestra Laura, cantan, bailan e aprenden un montón de nomes de peixes grazas a este vídeo incluído no libro-disco XIQUI XOQUE, FIÚ FIÚ de María Fumaça(Editorial Galaxia).Realización: Cuchi Carreira

"Traio sardiña,
xurelo pequeno,
pescada do pincho,
bonito de Burela,
fanecas e rapantes,
choco de Cesantes,
raia, peixe sapo,
luras e bacallau"



A RITMO DE CUNCHAS

É un instrumento natural formado por dúas cunchas de vieira. Por habelas de variadas formas e tamaños, é importante saber escoller aquelas que nos proporcionan maior variedade tímbrica e intensidade sonora. Para isto debemos ter en conta que sexan o máis cóncavas posibles.
O tamaño, o que fai é influír na altura do son: canto máis grandes sexan as cunchas máis grave, e ao revés, canto máis pequenas, máis agudo, a gusto do intérprete.
Cóllense cos dedos polgar e índice da man esquerda na zona onde a vieira é menos redondeada, e coa parte cóncava ollando cara a man. Os demais dedos apóianse na zona redondeada.
A man dereita suxeita a outra cuncha e leva o ritmo desexado ao percutir ou rascar na outra cuncha.
É un istrumento ideal para acompañar tanto a voz como a calquera outro instrumento. Doado de tocar, cunha gran variedade tímbrica e rítmica, barato e moi adecuado para iniciarse nos ritmos básicos da nosa música cun instrumento propio da nosa cultura.

Extraído  da Guía didáctica de Instrumentos Galegos de Moisés Quintas Suárez. Editorial Ouvirmos.


Tamén podedes consultar a aquí para máis información. E xa abonda de tanta teoría... ides ver unha maxistral demostración de como se tocan as cunchas da man de Iria e Carla, dúas alumnas de terceiro curso de Primaria. E lembrade... despois de comer unhas saborosas vieiras, non tiredes as cunchas, non son desperdicios, son un típico instrumento musical da cultura galega!


jueves, 2 de abril de 2015

DíA INTERNACIONAL DO LIBRO INFANTIL E XUVENIL






Hoxe 2 de abril celébrase o Día Internacional do libro Infantil e Xuvenil, co obxectivo de conmemorar outro célebre aniversario, o nacemento de Hans Christian Andersen, pai de historias infantís tan sorprendentes como "El patito feo", El soldadito de plomo", "La sirenita" e outros moitos contos que veñen acompañando a moitos nenos e nenas de distintas xeracións.










sábado, 21 de marzo de 2015

Hoxe celébrase o día mundial da poesía!
Foi declarado pola UNESCO o 21 de marzo como "Día mundial de la poesía" porque quixo darlle así un ímpeto social á poesía.
Dende entón, este día busca valorar aos poetas como persoas que coa palabra tentan mellorar o mundo.







Unha chulada os poemas infantís e poesías para nenos visto en leer.es via www.bosquedefantasias.com.
Si estás interesado fai clic na imaxe e a gozar...

martes, 10 de marzo de 2015

OBRADOIRO OS ARROASES


Hoxe 10 de marzo, chegou a visita que tanto esperábamos dende o inicio do noso proxecto. Foi nin máis nin menos que un divertido obradoiro de consumo en forma de teatro e xogos cooperativos, no que tiveron a ocasión de participar case a totalidade do alumnado de primaria do colexio.
Neste  obradoiro  coñecimos  a "Os arroases" una pandilla de  6 nenos e nenas que teñen poderes especiais grazas a todo o peixe que comen. 
Agora sabemos máis dalgunhas especies: o lirio, a pescada, a sardiña, o mexillón, a troita, o xurelo e o rodaballo e dos nutrientes que nos aportan.



Como nos portamos moi ben e aprendemos moitas cousas todos conseguimos o noso diploma de “Mariñeiros Pescadores Sostibles”. 

"O ACUARIO" DE CAMILLE SAINT-SAËNS

Cos arpexios máis suaves do piano e as notas musicais longas dos instrumentos de corda xunto coa frauta traveseira e a armónica de cristal, fomos sumerxíndonos nas profundidades do mar á volta do Entroido,durante o final do 2º trimestre en todas as aulas de infantil e tamén nas aulas de 1º e 2º curso variando a complexidade da actividade dependendo das diferentes idades.
Nesta obra musical chamada O ENTROIDO DOS ANIMAIS o compositor Saint-Saëns "disfraza" a diferentes instrumentos musicais de animais, creando unha gran fantasía zoolóxica.
 Escribiuna no ano 1886 durante as súas vacacións e presentoulla só a un pequeno grupo de amigos o martes de Entroido dese mesmo ano.
Esta melodía do ACUARIO inspirounos para imitar todo tipo de animais mariños,dramatizando e imitando os movementos dos animais mediante a expresión corporal, á vez que aprendíamos a diferenciar diferentes especies que aparecían neste musicograma tan orixinal como o peixe globo, a quenlla, o escurridizo polbo, medusas, nécoras, cabaliños e estrelas de mar entre o argazo...


http://www.iesquintana.net/descargas/musica/acuario.swf


Ademais esta experiencia de traballo foi unha excelente maneira de introducir aos máis cativos e cativas na música clásica!

domingo, 22 de febrero de 2015

ENCONTRO CON ANA ALONSO

O alumnado de 4º e 6º participou nun encontro con Ana Alonso o 17 de febreiro .
Despois de ter lido "Como hablar con tu robot" e  "Antes de medianoche"  respectivamente.
Ana contoulles como se fixo escritora e animou aos rapaces a escribir historias.
Finalmente, as dedicatorias nos seus libros e unha foto con Ana, para non esquecer este día tan especial!

domingo, 8 de febrero de 2015

CON SABELA GAGO

O 2 de febreiro visitounos de novo a gran actriz e mestra Sabela Gago, integrante da compañía de teatro ourensán SARABELA.
Estivo connosco animándonos a ler e facéndonos descubrir a maxia que hai dentro dos libros.
O encontro foi moi divertido, os nenos e nenas de 3º convertíronse en protagonistas por un día interpretando ... Graciñas Sabela !

martes, 27 de enero de 2015

LIBROS EN SON DE PAZ

O 30 de xaneiro conmemoramos o Día Escolar pola Paz e a Non-Violencia. O seu obxectivo é a educación en e para a tolerancia, a solidariedade, o respeto aos Dereitos Humanos, a non-violencia e a paz.
Dende as Bibliotecas Escolares podemos servir de instrumento de paz e entendemento entre o alumnado de distinta formación, raza, cultura e relixión.
Por iso o Equipo de Biblioteca do cole quere contribuir con esta selección bibliográfica titulada "Libros en Son de Paz". A meirande parte dos libros os podedes atopar no expositor que estará ubicado na entrada da biblioteca. Se premedes na imaxe podedes visualizar ou mesmo imprimir dita selección.

Ademais, este 27 de xaneiro cúmprense 70 anos da liberación do campo de concentración de Auschwitz;
unha data que se instituíu como Día Internacional de Conmemoración das Vítimas do Holocausto.

<div data-configid="0/11187201" style="width:525px; height:371px;" class="issuuembed"></div><script type="text/javascript" src="//e.issuu.com/embed.js" async="true"></script>

jueves, 15 de enero de 2015

COCIÑAR PRODUTOS DO MAR DUN XEITO DIVERTIDO!

Hoxe recomendamos un libro de receitas que axuda a iniciarse ao máis cativos e cativas e ás súas familias no consumo de peixe e no mundo da cociña e dos alimentos. Así, todos aprenderemos a facer de comer e tamén a coidar a alimentación, é dicir, saber que e como comemos. Ademáis de aprender, a diversión está garantida!
Este libro forma parte da colección Cociña Infantil e Familiar da Editorial Ouvirmos.
 Nel atoparedes 20 recetas realizadas con ingredientes básicos, explicadas paso a paso de forma sinxela por profesores titulados de hostalería. Miguel A. Caruncho, David Cidre, Santiago Martínez e Xenxo Pereiro son os encargados de guiarnos ao longo desta aventura culinaria.As fotografías que acompañan as explicacións son de Tono Arias.
Veña chefs! Cociñade os produtos do mar como nunca antes imaxinárades! A practicar!



Premio Libro Educativo 2012 pola Asociación Galega de Editores.