jueves, 20 de noviembre de 2014

DIA INTERNACIONAL DOS DEREITOS DO NENO!!

O día 20 de novembro de 1959 a Asamblea Xeral de Nacións Unidas aprobou a DECLARACIÓN DOS DEREITOS DO NENO, na que se deron a coñecer os 10 dereitos que todo neno ten polo simple feito de selo...


COMEZAMOS A NOSA AVENTURA NO MAR

Este é o cartel que marca o inicio do Plan Proxecta  "O  SABOR DA AVENTURA ESTÁ NO MAR", no que estaremos mergullados todo o curso.
Este programa foi deseñado pola Consellería de Educación en colaboración coa Consellería do Mar e a de Sanidade
A través deste Proxecto imos aprender cousas tan interesantes como : diferentes especies de peixes e os seus valores nutricionais, a importancia do peixe e o marisco na nosa dieta a través  de sinxelas e ricas receitas . Tamén afondaremos no mundo da pesca, transporte e preparación do peixe e aprenderemos a ser uns consumidores responsables co medio mariño.

Todos a bordo!!!

http://osabordaaventuraestanomar.xunta.es/gl

Preme no cartel se queres acceder as diferentes Unidades Didácticas en Pdf.
Se queres ver tódalas nosas actividades preme aquí.

domingo, 14 de septiembre de 2014

MUSICONTOS: OBRADOIRO DE CREACIÓN DE CONTOS MUSICADOS

Proposta de traballo cooperativo realizada ao longo de todo o 3º trimestre do curso pasado co alumnado de 3º curso na aula de música.
A palabra e a voz mesturáronse con efectos sonoros, dando lugar a uns relatos sorprendentes e peculiares.
Este obradoiro estivo baseado na CREACIÓN, na INTERPRETACIÓN , na DRAMATIZACIÓN e na IMPROVISACIÓN. Botade un ollo!



















jueves, 26 de junio de 2014

COAS MANS NA MASA : QONTARTE

A partir do álbum ilustrado Maruxa, baseado na canción tradicional polaca Maryna Gotuj pierogi ( que escoitaredes de fondo mentres vedes as fotos) da que a artista portuguesa Mafalda Milhoes fixo as ilustracións, todo o alumnado de 1º curso de Primaria traballou con masa de pan como elemento de creación plástica e deu forma aos personaxes do conto: Pepiño e Maruxa.

ratoeira dos contos de Slidely by Slidely Slideshow

sábado, 31 de mayo de 2014

Concerto-Presentación "BRINCA VAI!"


No no podedes perder! Se vos encantou o video que nos fixo gañador da Campaña do Concello de Vigo "Gústame o galego", o 1 de xuño tedes unha cita na Feira do Libro de Vigo con Paco Nogueiras Nodar, o autor da canción "meu o mundo é", tema incluido no seu novo libro-disco "BRINCA VAI" editado por Kalandraka,con ilustracións de David Pintor e vídeos musicais gravados por José Miguel Sagüillo. "Brinca Vai!" reúne doce cancións en galego dirixidas ao público infantil e familiar.

Paco Nogueiras é o compositor e intérprete de todos os temas, nos que aborda materias incluídas no currículo escolar: a natureza, os xogos tradicionais,a importancia dos libros e da lingua galega, ou celebracións como o Entroido, o Nadal, o Magosto e o Samaín. Destaca tamén polo amplo abano de estilos musicais contemporáneos, dende o rock ao reggae, pasando polo techno e a música electrónica, con influencias tradicionais.Trátase dunha proposta lúdica e transgresora, que transmite bo humor, e que se complementa con imaxes cheas de colorido, expresividade e dinamismo.
"Brinca Vai!" reúne lectura, expresión musical e corporal, creatividade artística e aprendizaxe global en clave de diversión.



Aquí tedes o video orixinal de "Meu o mundo é".Con motivo da súa chegada ás librarías de toda Galicia en vésperas do Día das Letras Galegas, “Brinca Vai!” publicou en Youtube o vídeo da canción, gravado na Zona Monumental de Pontevedra; un canto ao valor ilimitado da nosa lingua, na que se poden expresar e desenvolver todo tipo de emocións, experiencias e sectores: ciencia, arte, deporte, música, ensino, cine, teatro, literatura, industria ou investigación.


miércoles, 28 de mayo de 2014

XL EDICIÓN DA FEIRA DO LIBRO

O pasado 23 de maio inaugurouse na Praza de Compostela a *XL Edición da Feira do Libro*, un proxecto literario no que teñen cabida diferentes sectores do mundo das letras: editoriais, institucións públicas, etc. A Feira preséntase este ano cun animado programa de actividades onde podemos atopar presentacións de novidades editoriais, firma de autores, obradoiros, concertos, etc. Tamén contará coa presenza das dúas bibliotecas públicas da cidade, a Biblioteca Pública Juan Compañel e a biblioteca do noso barrio, Biblioteca Municipal "Neira Vilas". 

domingo, 25 de mayo de 2014

IV EDICIÓN QONTARTE

Dende a Concellería de Educación do Concello de Vigo, en colaboración con OQO editora, na súa 4ª edición de QONTARTE,participaremos en tres obradoiros gastronómicos-literarios e de plástica creativa, para promover entre os nenos e nenas o coñecemento de distintos países europeos a través dos seus contos tradicionais e das súas manifestacións gastronómicas. Esta campaña titúlase: “COCIÑA DE CONTOS".
As monitoras da editorial OQO, Raquel e Cristina,impartirán os seguintes obradoiros: - Para 6ºA de E. Primaria: “EUROPA Á CARTA” o 19 de maio. - Para 1ºA e 1ºB de E. Primaria: “COAS MANS NA MASA” o 4 de xuño. - Para 6º de E. Infantil: “CONTOS A PEDIR DE BOCA” o 16 de xuño.

De momento deixámosvos as fotos de EUROPA Á CARTA, o primeiro dos obradoiros que fixo 6º A da man de Cristina e coa que quedamos encantados, achegándonos á gastronomía e cultura de países como Polonia, Italia, Francia, Portugal e España.

EUROPA Á CARTA on PhotoPeach

jueves, 22 de mayo de 2014

“You’re Gonna Miss Me” (cup song): EVOLUCIÓN DUNHA CANCIÓN

Durante parte do Segundo trimestre, os cursos de 4º, 5º e 6º de Primaria, estiveron inmersos na febre da CUP SONG na aula de música. Seguramente todos a coñeceredes polo título “Si me voy” xa que Paula Rojo fixo una versión en castelán desta canción recentemente…
Pero… quen a compuso? Pois seguide lendo se queredes saber a súa fascinante e looooonga historia... Para iso,temos que viaxar ata Virginia (EEUU) e remontarnos moitos anos atrás , concretamente a 1931 porque a canción foi escrita pola Familia Carter, un grupo de country moi famoso durante a época da Gran Depresión .
  
En 1937, o grupo “The muntaineers” fixo unha versión e a titulou “Miss me when i´m gone”.
Ao arredor de 1940, Charlie Monroe, coa súa banda Lester Flatt, versioneou de novo a canción.
No 2009, Luisa Gerstein e outra membro da banda Landshapes, agora coñecida coma Lulu and the Lampshades( xa que cambiaron o nome artístico no 2012) subiron un video delas mesmas a youtube cunha versión totalmente renovada baixo o título “You´re gonna miss me” e utilizaron a famosa “cup clap” para acompañar con percusión á voz. Este video tivo un enorme éxito en internet e en pouco tempo apareceron moitísimas versión desta canción usando a técnica da “cup clap” e pasou a coñecerse co nome de “The cup song"
   

 Máis tarde, Lulu and the Lampshades gravaron una versión mellorada. 

  

Xa no ano 2012 a canción formou parte da BSO do filme “Pich Perfect”, una versión pop cantada por Anna Kendrick. Esta versión deu a coñecer a medio mundo a canción que a Familia Carter gravara hai 80  anos!

 Así que…dito isto, só queda que vexades os nosos videos! Por certo, e cal é a túa versión favorita?






lunes, 12 de mayo de 2014

MAIO, MES DAS LETRAS: XOSÉ MARÍA DÍAZ CASTRO

Velaquí unha orixinal versión de "Penélope" do poeta Xosé María Díaz Castro da man de Paco Nogueiras !

O profesor de música do CEIP Fernández Latorre de A Coruña musicou o poema "Esmeralda".Canta unha alumna de 4º do CEIP Fdez. Latorre. De seguro que vos vai gustar !
E por último, unha xenial adaptación da famosa "cup song" dende o IES poeta Díaz Castro de Guitiriz:

martes, 29 de abril de 2014

I CONCURSO DE VÍDEO-CREACIÓN PARA CENTROS DE ENSINO DE GALICIA

O alumnado de 4 anos A e 4 anos B de Infantil do noso cole participa neste concurso coa proposta audiovisual "En galego meu o mundo é" , organizado polo Concello de Santiago co fin de promover o uso do galego na comunidade educativa e contribuir á creación e difusión de traballos audiovisuais en galego.


Pode seguirse o día a día da convocatoria no evento creado na páxina de facebook da Concellería de Xuventude do Concello de Santiago.




lunes, 28 de abril de 2014

23 de abril DÍA DO LIBRO: ENCONTRO CON ANXO FARIÑA

Que mellor xeito de celebrar este día tan significativo que en compaña de Anxo Fariña, que ademais foi alumno do noso cole. Visitou aos cursos de 6ºB e 5º A, que son seguidores incondicionais das súas publicacións. Nesta ocasión os libros elixidos foron "Os Megatoxos e os templarios da luz" e "A chave da Atlántida", respectivamente.
<iframe src="http://slide.ly/embed/8d260c62776d4ad9f6440e5e4a64b932/autoplay/0" width="520" height="293" frameborder="0" scrolling="no" allowfullscreen></iframe><p>ratoeira dos contos's Slidely by <a href="http://slide.ly/show" target="_blank" title="Go to ratoeira dos contos's Slidely" >Slidely Slideshow</a></p>


ratoeira dos contos's Slidely by Slidely Slideshow

domingo, 27 de abril de 2014

ENCONTRO CON SABELA GAGO

O 26 de marzo visitounos a gran actriz e mestra Sabela Gago, integrante da compañía de teatro ourensá SARABELA.
Estivo co alumnado de 3ºA e 3ºB e tamén co alumnado de 1ºB. O encontro foi moi divertido e participativo, animándoos a sumerxirse na maxia dos contos, interpretando... Graciñas Sabela !

ENCONTRO CON SABELA GAGO on PhotoPeach

miércoles, 2 de abril de 2014

2 DE ABRIL DO 2014: DÍA INTERNACIONAL DO LIBRO INFANTIL


Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos. Cada ano unha Sección Nacional ten a oportunidade de ser a patrocinadora internacional do Día do Libro Infantil. Esa Sección elixe un tema e selecciona a un autor ou autora importante do país co fin de que escriba unha mensaxe para os nenos e nenas do mundo, e a un recoñecido ilustrador ou ilustradora para que deseñe un cartel que se difunde en colexios, bibliotecas, a través dos medios de comunicación, etc. Con este motivo organízanse diferentes actividades de animación, encontros con escritores e ilustradores, concursos e outras accións puntuais.

A través da OEPLI (Organización Española para o Libro Infantil e Xuvenil) podemos acceder ao poema da autora irlandesa Siobhán Parkinson:

CARTA AOS NENOS E NENAS DO MUNDO:


OS LECTORES, a miúdo lle preguntan aos escritores como escriben as súas historias - De onde saen as ideas? Veñen da miña imaxinación, contéstalles o escritor. Ah, claro, adoita responder o lector. Pero, onde está a túa imaxinación, de que está feita e é certo que todo o mundo ten unha? Ben, responde o escritor, está na miña cabeza, por suposto, e está composta de imaxes e palabras e recordos e rastros doutras historias e palabras e fragmentos de cousas e melodías e pensamentos e rostros e monstros e formas e palabras e movementos e palabras, ondas e arabescos e paisaxes e palabras e perfumes e sentimentos e cores e rimas e pequenos estalos e asubíos e sabores e explosións de enerxía e adiviñas e brisas e palabras. Todo iso xirando aí dentro e cantando e comportándose como un calidoscopio e aboiando e sentándose e pensando e rañando a cabeza. Por suposto que todo o mundo ten imaxinación: sen ela, non seriamos capaces de soñar. Porén, non toda imaxinación ten as mesmas cousas dentro dela. Probablemente, a imaxinación dos cociñeiros conteña na súa maioría sabores, da mesma maneira que a imaxinación dos artistas conterá sobre todo cores e formas. A imaxinación dos escritores está principalmente chea de palabras. Para os lectores oíntes de historias, as súas imaxinacións tamén se nutren de palabras. A imaxinación dun escritor traballa, dá voltas e dá forma ás ideas, aos sons, ás voces, aos personaxes e aos acontecementos ata convertelos nunha historia; esta historia non está composta doutra cousa que non sexan palabras, batallóns de garabatos desfilando polas páxinas. Entón ocorre que, de pronto, chega un lector e eses garabatos cobran vida. Seguen estando na páxina, seguen parecendo garabatos pero tamén están choutando na imaxinación do lector, e este dá forma e fía as palabras para que a historia agora teña lugar na súa cabeza, como tivo lugar na cabeza do escritor. Este é o motivo polo que o lector é tan importante para unha historia como o é o escritor. Só hai un escritor para cada unha delas, pero hai centos ou miles ou incluso ás veces millóns de lectores de historias, que len no mesmo idioma que o do escritor ou que quizais ata lean traducións en moitos outros idiomas diferentes. Sen o escritor, non nace o conto; sen todos os miles de lectores arredor do mundo, o conto non chegará nunca a vivir todas as vidas que pode vivir. Todo lector dunha historia ten algo en común cos outros lectores desa mesma historia. Separadamente, aínda que tamén dalgunha maneira xuntos, eles recrearon a historia na súa propia imaxinación: unha acción que é tanto privada como pública, individual como común, íntima como internacional. É, posiblemente, o que os humanos fan mellor. Seguide lendo!

Siobhán Parkinson Autora, editora, tradutora e gañadora do Premio na nÓg 
 Traducción: Concha Blanco

domingo, 16 de marzo de 2014

SÍ Á EDUCACIÓN ARTÍSTICA !

Visita este blog de masartísticas. Un blog colaborativo que naceu para defender a continuidade das ensinanzas artísticas na Educación.