domingo, 30 de diciembre de 2012

UNHA ÚLTIMA , pero interesante recomendación



Se aínda non escribiches a carta aos Reis,  inclúe este libro disco Flor&Rolf ou Rolf&Flor.Tanto ten. Alba Editorial.
Unha deliciosa historia de amor-amizade contada e cantada en español e en inglés entre dous cativos singulares que se coñecen dun xeito singular. E non contamos máis porque estamos convencidas de que o Departamento de Inglés e a Biblioteca da Escola si o piden e o usarán.






Aquí un dos temas en español  que fían a historia.




Outro tema coa voz do incríbel Albert Pla.

FELIZ 2013

Foto: Happy 2013!

domingo, 4 de noviembre de 2012

VISITA Á ILLA DE SAN SIMÓN

O venres 21 de setembro o 3º ciclo de Primaria ao completo embarcouse rumbo á Illa de San Simón. Coñeceron a súa historia e os aspectos que a fan tan peculiar, pois foi lugar de pequenos templos relixiosos,  saqueada por piratas ingleses, habitada por monxes templarios e máis tarde pola Coroa de Aragón. Foi inspiración para o trovador Mendiño que lle adicou uns versos.Esceario da famosa batalla de Rande e de revoltas irmandiñas, casa de veraneo, presidio, orfanato...
 
Por aquí andan 6ºB
 
 
E por aquí 6ºA



 
5º B non podía faltar
 
 
E por último pero non menos importante 5ºA
 
 
 

 
 
Por certo, tedes que saber que a banda sonora das fotos foi creada e gravada por alumnado do cole, que agora xa anda polo instituto adiante... Dámoslle dende a Doblada unha forte aperta e desexámoslles que teñan sorte en todo aquilo que se propoñan facer na vida!
Aquí tedes a letra da canción, que está inspirada no Capítulo 8 de "20.000 leguas de viaje submarino". Neste capítulo Jules Verne relata a chegada do capitán Nemo á Bahía de Vigo, onde tivera lugar a batalla de Rande,para apropiarse dos tesouros afundidos...Ler máis
 
 
 

 


 



viernes, 17 de agosto de 2012

PREMIO Á ACCIÓN MAXISTRAL

Comunícannos que estamos clasificados na fase autonómica para o Premio á Acción Maxistral polo noso labor dentro do grupo de Interteatro dende o ano 2005. Pois iso, agora á espera da resolución nacional.Parabéns para nós. Estamos moi orgullosos do noso traballo.

Desde la Oficina Técnica del Premio a la Acción Magistral nos complace ponernos en contacto con usted para notificarle que el proyecto que usted presentó titulado “Interteatro, pequeños actores en las aulas'
Intercambio entre colegios de Infantil y Primaria” ha sido uno de los finalistas de la Categoría A - Ed. Infantil y Ed. Primaria en la fase de Evaluación Autonómica de Galicia. Esto significa que su candidatura se elevará a la Comisión de Evaluación Estatal como proyecto recomendado.  

Le deseamos mucha suerte en la próxima fase de evaluación.
Saludos cordiales,



Oficina del Premio a la Acción Magistral


Homenaje al Maestro

 

miércoles, 27 de junio de 2012

lunes, 18 de junio de 2012

ACTUACIÓN DO MAGO CALI

175º ANIVERSARIO DE ROSALÍA DE CASTRO

No cole temos a nosa propia Rosalía, alumna da clase de 6º curso.Rosalía sentiu a responsabilidade de facer este homenaxe para tal efeméride(cousas da homonimia...)O certo é que leva nela o espírito da homenaxeada pois abandeira polo cole adiante o noso idioma galego coma ninguén!

jueves, 14 de junio de 2012

TOCA FALAR DE DESPEDIDAS...



Despedímonos do alumnado de 6º curso cun RAP que adicaron Alberto López e Uxía Baladrón ao resto dos seus compañeiros e compañeiras ao remate do Festival das Letras Galegas 2012:

FAGO O QUE SINTO
SEMPRE SIGO O MEU INSTINTO
SE DIGO QUE CON TRISTURA VOUME
NON MINTO!
ESCOITA CON ATENCIÓN
ESTA RIMA EN ACCIÓN
A DOBLADA TATUADA A LUME
NO MEU CORAZÓN.
NON ME PREGUNTES A RAZÓN
TAMÉN SABEMOS PEDIR PERDÓN
CANDO CAUSAMOS ALGÚN FOLLÓN.
PASAMOS BOS MOMENTOS
E DOS OUTROS TAMÉN...
A CONVIVENCIA É O QUE TEN,
NON O NEGA NINGUÉN!
E AQUÍ ESTAMOS 
COMA POETAS URBANOS
TRATANDO DE IMAXINAR 
QUE FAREMOS CANDO NOS VAIAMOS.
MEDRAMOS NESTE BARRIO
NO PATIO DESTE COLEXIO,
BÁGOAS VEXO,
A TODAS E TODOS
O MELLOR VOS DESEXO!

50 ANOS DE LETRAS GALEGAS!

Mural colectivo realizado por todas as clases de Infantil e Primaria a partires dunha serie de “pistas” que lle permitían averiguar os homenaxeados e homenaxeadas asignados a cada clase. Unha vez que foron recoñecidos e recoñecidas, decoraron os seus retratos para pasar a formar parte da exposición.


martes, 12 de junio de 2012

ESPECIAL LETRAS GALEGAS 2012

O alumnado de 6º realizou un Festival o 1 de xuño para conmemorar o Día das Letras Galegas. 6º B representou uns lances da obra “Os vellos non deben namorarse” e 6ºA interpretou un rap titulado “Galego” do coñecido rapeiro vigués “El Puto Coke”, co que fixemos un video-montaxe para concienciar ao alumnado de que o noso idioma non pasa de moda e hai moitos grupos musicais de rock, hip-hop, heavy, pop…que se expresan en galego nas súas letras. Realizaron dous pases:un para 2ºA e B, 2º ciclo e 3º ciclo antes do recreo e outro para infantil e 1º ciclo despois do recreo. Este é o póster promocional da obra de Castelao,realizado polo alumno de 6º B Ezequiel. 






domingo, 10 de junio de 2012

CEIP SEIS DO NADAL DE INTERTEATRO NO COLE

O 31 de maio viñeron representar "Atasco en Vigo", unha adaptación teatral da obra "Atasco" de Ángeles Jiménez Soria.Fixeron dous pases, un para infantil e outro para Primaria.Foi divertidísima e moi marchosa e con personaxes superactuais como Alaska, Guardiola,Mouriño!  Un éxito total!A experiencia pode resumirse coa frase que non paraba de  corear o noso alumnado ao rematar a obra: "TÚ SI QUE VALES" e ao escoitar esa frase, todo o traballo e esforzo destas rapazas e rapaces, das súas mestras e mestres, dos seus coidadores e coidadoras e familiares, cobra sentido.
Ao rematar houbo entrega de diplomas e unha merenda, para devolverlle a hospitalidade que tiveron con nós no Seis do Nadal.

SINOPSE: Nunha rúa da cidade de Vigo atópase un semáforo.Un día o homiño verde do semáforo decide deixar o seu posto de traballo e tomarse o día libre pois está canso de traballar todos os días do ano.Ao fallar o home verde, organízase un atasco tremendo de peóns porque non poden cruzar a rúa.Van chegando diferentes personaxes complicándose cada vez máis a situación.Á chegada do home verde resolve o problema, chega moi ledo, voltando á normalidade á rúa.

DE INTERTEATRO NO CEIP SEIS DO NADAL

O 30 de maio puxemos fin á xira de Interteatro no cole Seis do Nadal.Despois convidáronnos a unha merendola e tamén houbo entrega de diplomas e moita música!Foron uns anfitrións e anfitrionas excepcionais!Unha experiencia que non esqueceremos!


REMATAMOS AS VISITAS Á BIBLIOTECA!


As dúas clases de 5º de Primaria acudiron o 24 de maio ás actividades didácticas organizadas pola Biblioteca Municipal Xosé Neira Vilas, concluíndo así a serie de visitas que toda Primaria realizou ao longo dos meses de abril e maio.Esperamos que estes encontros teñan continuidade o vindeiro curso xa que foron moi formativos e lúdicos ao mesmo tempo!

jueves, 7 de junio de 2012

Unha fin de semana de contos cos SETE FALARES


Durante tres días, Pontevedra será unha cidade de conto. A partir do venres día 8 o programa Sete falares ofrecerá un amplo abano de actividades que inclúe mesmo unha ruta de contos por lugares sinalados da cidade do Lérez ou unha travesía de historias pola Ría.

Para axudarvos a acomodarvos nos lugares onde se celebren as sesións teñen un equipo de monitores e monitoras estupendísimo.
Verédelos porque cada un deles levará un distintivo coma este:



A Casa das Campás, as Ruínas de San Domingos a CITA ou o Campiño de Santa María serán algúns dos espazos que o sábado por volta das 22 horas visitarán os participantes na ruta de contos que se inclúe no programa Sete falares, promovido pola Concellaría de Cultura de Pontevedra. Rosana Mont´Alverne, Tim Bowley e Charo Pita, Clara Haddad e Paula Carballeira serán as persoas encargadas de darlle ao conto en cada un deses espazos da cidade.

Non será a única excursión que fagan as persoas que desexen achegarse ao mundo do conto. O domingo, ás 14.30, os contos irán ao “medio do mar” cunha viaxe en barco que sairá das Corbaceiras. Quen se encargará entón de contar é Cándido Pazó e haberá mesmo xantar a bordo do barco.

Cun barco de conto pola ría

Para todas as idades , de moitas partes do mundo e pola cidade enteira. Así se artella o programa Sete falares que comeza este mesmo venres. A casa das campás, o Teatro Principal, a CITA, as Ruínas de San Domingos ou mesmo un barco serán os escenarios das múltiples contadas nas que se articula o programa. Na primeira xornada, no espazo “De dous en dous” Paula Carballeira e Cándido Pazó atoparanse con Clara Haddad e Rosana Mont´Alverne respectivamente, facendo dous dúos de contos, da casa e convidados. Andrea Bayer, de Boabab Teatro, será a encargada de abrir o programa na primeira sesión da Casa das Campás ás 18 horas.


O sábado será o día todo para o conto, desde a mañá na CITA con Pavís Pavós, ate a noite cando os contos se atopen coa luz dos farois da Pontevedra histórica. No medio, o mundo dos contos en múltiples dimensións, desde a conferencia da escritora Fina Casalderrey “Os berces do noso imaxinario” ata a contada de Paula Carballeira na Alameda para continuar coa proposta de Rosana Mont´Alverne, protagonista tamén do encontro da mañá do domingo na Casa das Campás.

Para o día final, despois da travesía conteira pola Ría de Pontevedra, o programa de Sete Falares depara aínda un feixe de sorpresas, a comezar polos “Contos de todos os cantos” de Clara Haddad e a seguir con Tim Bowley e Charo Pita “Fiando Contos” nas Ruínas de San Domingos.



A traca final virá dunha Ronda de Narradores, con Andrea Bayer, Clara Haddad, Tim Bowley e Charo Pita, Paula Carballeira, Rosana Mont´Alverne, Cándido Pazó e Pavís Pavós. Davide Nogueira ao Clarinete e Rubén Fernández no acordeón porán o acompañamento musical ao espectáculo.

Unha cidade de conto á beira do Lérez
www.sermosgaliza.com


OS CONTOS de Cri-crí :"Las Brujas" versión antiga

domingo, 13 de mayo de 2012

CEIP CANICOUVA DE INTERTEATRO NO COLE

O luns 7 de maio o CEIP Canicouva representou no noso cole " Ke-tumba, ke-tamba" unha adaptación teatral do libro de Xerardo Quintiá feita por Chus Pereira.Noraboa!Divertímonos un montón coa tribu dos Tarambainas,salvaxemente salvaxes...

PARTICIPACIÓN NAS III XORNADAS MUNICIPAIS DE TEATRO ESCOLAR

O xoves 10 de maio chegounos a hora de actuar! Compartimos escenario co CEIP Carballal-Cabral, coa Escola Municipal de Teatro e co CEIP Frián-Teis e convidamos a familiares e aos compañeiros e compañeiras de 5ºA e ao seu titor Marcos.Graciñas pola vosa presenza e polos aplausos recibidos! 



 

ENCONTRO CON OLALLA GONZÁLEZ E MARK TAEGER

O alumnado de 5 anos tivo unha visita moi especial o 3 de maio: Olalla Gónzalez, adaptadora dos títulos de Kalandraka Chibós chibóns e Garavanciño e Mark Taeger, ilustrador de A verdadeira historia de carapuchiña, Aquiles o puntiño, Artur, Tic,Tac e Garavanciño levaron a cabo unha sesión de Contos ilustrados divertidísima onde a palabra, o xesto, a cor e as formas foron da man para dar vida a estes fantásticos contos que acapararon toda a atención das nenas e nenos!

miércoles, 9 de mayo de 2012

DESCUBRINDO OS MUNDOS

Estamos participando no programa para escolares "Descubrindo os mundos", que se está a desenvolver na Biblioteca municipal Xosé Neira Vilas dende finais do mes de abril.
 Cada visita está dirixida por personaxes próximos a algúns dos exploradores máis famosos.Eles encárganse de acompañar e guiar ao alumnado na procura de "pistas" sobre descubrimentos xeográficos que lles "obrigan" a percorrer a biblioteca e familiarizarse cos servizos que oferce dun xeito ameno e atractivo,a ter un maior coñecemento das instalacións, da xestión e organización do fondo documental, etc...
Os contidos e actividades de cada sesión están adaptados aos diferentes niveis educativos.
Un dos aspectos máis interesantes da visita é que entréganlle aos rapaces e rapazas o carné de usuario/a da biblioteca para poder voltar a ela sempre que o desexen e a conciban como un lugar de formación e de lecer.
Estas son as datas nas que estamos realizando as visitas:

12 de abril:1º ciclo
26 de abril:4ºA e 4ºB de primaria.
3 de maio: 3ºA e 3ºB de primaria.
10 de maio:6ºA e 6ºB de primaria.
24 de maio:5ºA e 5ºB de primaria.

 Noraboa á biblioteca pola iniciativa!As visitas están tendo unha resposta moi positiva tanto por parte do alumnado coma do profesorado! Aquí tedes unha mostra da sesión do Primeiro Curso de Primaria, que,axudados pola filla do mariñeiro Rodrigo de Triana, tiveron a "misión" de completar o diario de abordo de Cristóbal Colón coas pistas que lle axudarían a descubrir América.


lunes, 7 de mayo de 2012

COMEZO DA XIRA INTERTEATRO NO CEIP CANICOUVA


III XORNADAS MUNICIPAIS DE TEATRO ESCOLAR

Celebraranse do 7 ao 10 de maio no Auditorio do Concello de Vigo.O noso alumnado de 5ºA actuará o xoves día 10 coa obra "Malos tempos para o detective Malow".


domingo, 6 de mayo de 2012

EXPOSICIÓN DE CASTELAO

Permaneceu case un mes durante o 2º trimestre. Partindo da información dos murais, varias titorías de Primaria realizaron traballos de procura de información e investigación.

miércoles, 2 de mayo de 2012

ARRANCA A XIRA DE INTERTEATRO 2012


O alumnado de 5º A protagonizará a peza teatral "Malos tempos para o detective Malow" de Chus Pereiro.

SINOPSE: O detective Malow, agobiado polas débedas, enfróntase a un caso de secuestro dun fabricante de salchichas.

Este é o reparto de actrices e actores:

Puriña: Elsa Cabaleiro Muñoz
 Malow: Hugo López Castro
 Sra. Verroallo: Eva Estévez Cerviño
Avogado: Pablo Carrera Gil
Caseiro: Sergio Juárez Araujo
Traballador e traballadoras:
Florencia Alonso Barboni
Ángel Álvarez Fernández
Berta Ballesteros González
Marta Dasilva Vidal
Uxía Iglesias Bernabé
Lucía Martínez Furgón
Jessica Rocha Pereira
Lin Chu: Josías Fernández Levrotto
Matóns de Lin Chu:
Andrea Casandra Timpu
José Aaron Crespo Carrera
Chuco Mengano: Sergio Cabaleiro
 TEXTO : Chus Pereiro
MÚSICA: Pablo Novoa

 UNHA MANCHEA DE AGRADECEMENTOS:
 A todas e a todos os que nos axudastes dunha ou doutra maneira.

Estas son as datas:

-4 DE MAIO: "Malos tempos para o detective Malow" no CEIP CANICOUVA.
-7 DE MAIO:"Ketumba Ketamba" CEIP CANICOUVA na nosa escola.
-10 DE MAIO: "Malos tempos para o detective Malow" no Auditorio do Concello de Vigo, dentro da programación das III Xornadas de Teatro Escolar.
-30 DE MAIO:"Malos tempos para o detective Malow" no CEIP SEIS DO NADAL.
-31 DE MAIO:"Atasco en Vigo" CEIP SEIS DO NADAL na nosa escola.

Ademais  tivemos a sorte de contar coa presenza no noso cole da propia autora, Chus Pereiro, o xoves 26 de abril, pouco antes do comezo da xira que tería lugar no CEIP Canicouva,onde actualmente imparte clases como titora de 3º curso.Soubemos que escribe por e para as nenas e nenos da súa escola, para poder dar vida a un texto mediante o teatro, que é a súa paixón, e que a publicación das súas obras non é o fin en sí mesmo senón unha consecuencia dese traballo co alumnado.
Deulles conselliños para a representación que lle serviron para espantar os nervios,o máis importante: que fixeran súa a obra, que a reinventaran, que experimentaran co texto, cos personaxes..!


FESTIVAL INTERNACIONAL DE TÍTERES DE REDONDELA 2012

Do 14 ao 20 de maio! Non perdades a oportunidade de achegarvos!Diversión asegurada!
Consultade a programación premendo na imaxe.





martes, 24 de abril de 2012

23 DE ABRIL / DÍA MUNDIAL DO LIBRO E DO DEREITO DE AUTOR




Compartimos este cartel da editorial Libros del Oso (Arxentina)

A nosa biblioteca celebrou o Día do Libro coa visita de Alfredo Gómez Cerdá o martes 24 de abril.O alumnado de 5ºA viviu un encontro moi agradable co autor,que xirou arredor do seu libro"Barro de Medellín", xa que todo o alumnado de 5ºA compartira a  lectura coa súa titora durante o curso.




jueves, 19 de abril de 2012

É UN LIBRO!!!!!!

OS PERSONAXES DOS CONTOS RECOMENDAN LER LIBROS


NO ABRILibro  deseñamos as capas máis incribéis para Carapuchiña, fixemos unha exposición sobre os ratos—uns personaxes moi de conto—, e sobre obxectos fuxidos dos contos de Andersen.
E este ano... 

domingo, 15 de abril de 2012

REVISTA ESCOLAR RONSEL

Ronsel é o nome do xornal da nosa escola.Publícase enteiramente en galego.Para maio do 2012 o noso xornal Ronsel cumpre 18 primaveras e nós queremos celebralo con moitas actividades arredor del.
Este ano cada alumno/a personalizou a cuberta da súa revista, a meirande parte inspirouse no significado da palabra Ronsel, pero iso é outra historia e será contada noutro momento!
Realizamos unha exposición con todas as portadas e con elas realizaremos un concurso para elixir a cuberta oficial para o exemplar do cole.
Polo momento aquí vos deixamos unha mostra das edicións anteriores da revista Ronsel.


O NACEMENTO DUN LIBRO

Neste vídeo veredes canto custa facer un libro.

Birth of a Book from Glen Milner on Vimeo.

martes, 10 de abril de 2012

DECÁLOGO PARA UNHA VÍCTIMA DE CIBERBULLYING

Esta web forma parte da iniciativa "PantallasAmigas" para a promoción do uso seguro e saludable de internet e as novas tecnoloxías online por parte dos menores. Pretende servir coma fonte de información e de referencia complementaria para educadores/as e familias.

CURSO SOBRE TÉCNICAS DE NARRACIÓN ORAL

O autor e contacontos Boniface Ofogo (Camerún, 1966) vai impartir un curso titulado "“As ferramentas do narrador oral”" os días 27 e 28 de abril, dirixido a docentes e estudantes de educación infantil, animadores socioculturais, educadores sociais, profesionais de atención socio-sanitaria e narradores. As sesións terán lugar en LIBROS PARA SOÑAR o vindeiro venres 27 de abril, de 17:00 a 20:00 horas,e o sábado 28, de 10:30 a 13:30 horas. O curso ten prazas limitadas e o prezo é de 24 euros.
BLOG DE LIBROS PARA SOÑAR

sábado, 7 de abril de 2012

"OS CONTOS DO BARDO ABELARDO"

Cantamos e bailamos da man do músico Servando e o seu acordeón diatónico, que actuou no mes de febreiro para todo infantil no marco das actividades ofrecidas polo Servizo de Normalización Lingüística do Concello de Vigo.As historias que compartiu cos nenos e nenas trataron sobre o respecto á Natureza e a contribución ao seu coidado.A sesión estivo do máis animada!

lunes, 2 de abril de 2012

DÍA DO LIBRO INFANTIL E XUVENIL 2012

Hoxe celébrase o Día do Libro Infantil e xuvenil . Conmemórase o  nacemento  de Hans Christian Andersen e esta é tamén a data de comezo do noso AbriLibro.  Esta é a mensaxe  deste ano.



Había unha vez un conto que contaba o mundo enteiro. 
Ese conto en realidade non era un só, senón moitos máis que 
comezaron a poboar o mundo coas súas historias de nenas 
desobedientes e lobos seductores, de zapatiños de cristal e 
príncipes namorados, de gatos inxeniosos e soldadiños de 
chumbo, de xigantes bonachóns e fábricas de chocolate. 
Poboárono de palabras, de intelixencia, de imaxes, de 
personaxes extraordinarios. Permitíronlle rir, asombrarse, 
convivir. Cargárono de significados. E dende aquela eses 
contos continuaron multiplicándose para dicirnos mil e unha 
veces “Había unha vez un conto que contaba o mundo enteiro…”
Ao ler, ao contar ou ao escoitar contos estamos exercitando 
a imaxinación, coma se fose necesario adestrala para mantela 
en forma. Algún día, seguramente sen que o saibamos, unha desas 
historias acudirá ás nosas vidas para ofrecernos solucións creativas aos 
obstáculos que se nos presenten no camiño.
Ao ler, ao contar ou ao escoitar contos en voz alta tamén estamos repetindo un ritual moi antigo que cumpriu 
un papel fundamental na historia da civilización: facer comunidade. Ao redor deses contos reuníronse as 
culturas, as épocas e as xeracións para dicirnos que somos un só os xaponeses, os alemáns e os mexicanos; 
aqueles que viviron no século XVII e nós que lemos un conto en Internet; os avós, os pais e os fillos. Os contos 
énchennos por igual aos seres humanos, a pesar das nosas enormes diferencias, porque todos somos, no 
fondo, os seus protagonistas.
Ao contrario dos organismos vivos, que nacen, se reproducen e morren, os contos, que xorden colmados de 
fertilidade, poden ser inmortais. En especial aqueles de tradición popular que se adecúan ás circunstancias, 
ao contexto do presente no que son contados ou reescritos. Trátase de contos que, ao reproducilos ou 
escoitalos, os converten nos seus coautores.
E había unha vez, tamén, un país cheo de mitos, contos e lendas que viaxaron polos séculos, de boca en 
boca, para exhibir a súa idea da creación, para narrar a súa historia, para ofrecer a súa riqueza cultural, para 
excitar a curiosidade e encher de sorrisos os beizos. Era tamén un país no que poucos dos seus poboadores 
tiñan acceso aos libros. Pero esa é unha historia que xa empezou a cambiar. Hoxe os contos están chegando 
cada vez máis a recunchos afastados do meu país, México. E ao atoparse cos seus lectores están cumprindo 
co seu papel de facer comunidade, facer familia e facer individuos con maior posibilidade de ser felices.


Traducción: Eva Lozano Carpente

domingo, 1 de abril de 2012

HALA CELTA!

Estaredes preguntándovos que diantres fan estas fotos da visita de Mario Bermejo,xogador do Celta de Vigo, no blog da biblioteca, pois non teñen nada pero naaada que ver coa lectura,nin un chisco tan sequera... Pois ben...simplemente sucumbimos ás insistentes peticións dos rapaces e rapazas por poñelas!Aí van!

Click to play this Smilebox slideshow
Create your own slideshow - Powered by Smilebox
Free picture slideshow created with Smilebox

VISITA DE RICARDO GÓMEZ

A comezos do 2º trimestre, o alumnado de 2º curso e o de 6º curso de Primaria, mergullouse  na lectura dalgúns dos libros do escritor Ricardo Gómez.
-"El sueño de Lu Szhu" e "El perro que buscaba estrellas" no 2º curso.
-"La verdadera historia de Caperucita Erre" no 6º curso.
O día 29 de febreiro visitounos e realizou dúas sesións independentes para cada curso.
Grazas a este encontro puidemos conversar con el e coñecelo máis polo miúdo, saber como son os seus libros, o moito que lle gustan os contos clásicos(sobre todo Carapuchiña vermella e O soldadiño de Chumbo) e o moito que desfruta creando ou reinventando personaxes e historias.Tamén soubemos que é profesor de matemáticas pero agora pode adicarse por completo a facer o que máis lle prace: escribir!
A charla foi moi amena, logo respondeu á morea de preguntas dos rapaces e rapazas e tamén adicou un tempo para asinar algúns exemplares dos seus libros.Ah! e o alumnado de 2º A regaloulle un álbum ilustrado moi orixinal, froito de "remexer" as historias dos dous libros que leron e titulárono"Lu Szhu e o seu can"
Este é o enlace da súa páxina web para quen queira ter máis info sobre a súa biografía, premios e un proxecto moi especial no que colabora co pobo saharaui.

VISITA DE RICARDO GÓMEZ on PhotoPeach


VISITA DE RICARDO GÓMEZ on PhotoPeach

domingo, 4 de marzo de 2012

I FEIRA DO LIBRO E O XOGUETE USADO

Esta feira foi realizada durante xaneiro e febrero e resultou todo un éxito. Os xoguetes e libros de segunda man podían adquirirse con “ratouros”. Este ratouros conseguíanse respondendo ás cuestión do mural da Celebración do Centenario de Álvaro Cunqueiro ou ben falando en galego no cole.




Ademáis a todo o alumnado que falou galego en diferentes situacións e contextos (nos corredores, no comedor, durante as clases, no patio…) concedíaselle o privilexio de pertencer ao “PASEO DA FALA”, ao máis puro estilo Hollywood Boulevard”.


jueves, 19 de enero de 2012

ELOISA Y LOS BICHOS



Esta historia podémola atopar na editorial El Jinete Azul

martes, 10 de enero de 2012

The Joy of Books



Que pasa nas librerías cando pechan as portas?
Na nosa biblioteca pasa o mesmo. Todos de parranda.