ENCONTRO CON SABELA GAGO

Hoxe, os nenos e nenas de 3º de primaria, tivemos a sorte de asistir a unha sesión de contacontos con Sabela Gago, actriz de Sarabela teatro,que entusiasmou ao público asistente coa historia das 3 galiñas que querían ser as máis fermosas do galiñeiro.
Todos participaron activamente e riron sen parar con Sabela que foi quen de facer  voar a imaxinación dos cativos.
GRAZAS SABELA!!!

ENCONTRO CON ANA ALONSO

Nestes días recibimos unha visita moi especial no noso cole, a escritora Ana Alonso que compartiu cos nenos e nenas de 5º  uns momentos moi agradables.
Contoulles moitas cousas interesantes sobre o seu oficio de escritora e falaron do libro que estiveron lendo e traballando este curso: "La senda escondida"

 
Ao rematar a visita asinoulles os exemplares que adquiren unha relevancia especial para eles coa firma da autora.
GRAZAS ANA POLA TÚA VISITA!!! 

DÍA DE ROSALÍA DE CASTRO

O 24 de febreiro conmemórase o día da escritora máis importante que tivemos en Galicia, Rosalía de Castro.
Aquí vos quedan algúns recursos para coñecela mellor.

PARA LER NO NADAL

Chega o Nadal, un tempo propicio para a lectura e os agasallos  e como sempre, dende a Ratoeira dos Contos, por estas datas, recoméndanse unha serie de libros para que os nenos/as pidan este Nadal a Papá Noel ou aos Reis Magos.
Dexesamos que vos gusten. BO NADAL!!!

BIBLIOPATIO

Hoxe o equipo de biblioteca coa inestimable colaboración dun grupo de alumnos e alumnas, puxo en marcha o proxecto BIBLIOPATIO. 

Este proxecto pretende achegar o placer da lectura ó recreo e crear novos recunchos de lectura.

Foi todo un éxito, esperamos seguir así.

24 DE OUTUBRO: DÍA DAS BIBLIOTECAS

O 24 de outubro celebramos o Día das Bibliotecas.
Esta celebración ten como obxectivo principal concienciar a sociedade da importancia da lectura.

A  Asociación Española de Amigos del Libro Infantil  celebra este día como homenaxe ao labor que desempeñan os bibliotecari@s.
Cada ano  encargase a un escritor e a un ilustrador, a redacción do pregón e el dieseño do cartel que se difunde entre todas as bibliotecas de España.
Este ano o autor seleccionado é Diego Arboleda, Premio Nacional de Literatura Infantil 2014 e a ilustradora Leticia Ruiz Fernández.

PREMIO NACIONAL DE LITERATURA INFANTIL

A escritora viguesa Ledicia Costas foi galardoada co Premio Nacional de Literatura Infantil 2015, polo seu libro
 " Escarlatina, a cociñeira defunta".

O xurado premiou a súa obra por ser «unha obra extraordinaria, humorística e rompedora no contexto da literatura infantil e jxuvenil actual que destaca tamén pola súa fácil lectura, polo humor escalofriante, e pola habilidade para desmitificar o mundo da morte».

Parabéns Ledicia!

Esta extraordinaria obra está cargada de mensaxes que chegan ao corazón. 

Non deixes de leela, pódela atopar na nosa biblio.