ENCONTRO CON LEDICIA COSTAS

Hoxe o alumnado de 6º curso recibiu a visita de Ledicia Costas, a autora de "Escarlatina a cociñeira defunta".

Foi unha delicia escoitala falando de como se inspirou na súa avoa para escribir alguna das aventuras de Escarlatina. Animounos a realizar as receitas sinxelas e divertidas do conto.

Xa estamos desexando ler o seu novo libro: "Esmeraldina, a pequena defunta"

DÍA DO LIBRO

.

Como xa sabedes o 23 de abril é o DÍA MUNDIAL DO LIBRO.

Na nosa escola fixemos actividades para conmerar este día tan importante, unha das que máis gustou ao alumnado foi a de "Poesías por piruletas". Así de bonito quedou o colexio co mural feito entre todos.

BIBLIOPATIO

Hoxe o equipo de biblioteca coa inestimable colaboración dun grupo de alumnos e alumnas, puxo en marcha o proxecto BIBLIOPATIO. 

Este proxecto pretende achegar o placer da lectura ó recreo e crear novos recunchos de lectura.

Foi todo un éxito, esperamos seguir así.

24 DE OUTUBRO: DÍA DAS BIBLIOTECAS

O 24 de outubro celebramos o Día das Bibliotecas.
Esta celebración ten como obxectivo principal concienciar a sociedade da importancia da lectura.

A  Asociación Española de Amigos del Libro Infantil  celebra este día como homenaxe ao labor que desempeñan os bibliotecari@s.
Cada ano  encargase a un escritor e a un ilustrador, a redacción do pregón e el dieseño do cartel que se difunde entre todas as bibliotecas de España.
Este ano o autor seleccionado é Diego Arboleda, Premio Nacional de Literatura Infantil 2014 e a ilustradora Leticia Ruiz Fernández.

PREMIO NACIONAL DE LITERATURA INFANTIL

A escritora viguesa Ledicia Costas foi galardoada co Premio Nacional de Literatura Infantil 2015, polo seu libro
 " Escarlatina, a cociñeira defunta".

O xurado premiou a súa obra por ser «unha obra extraordinaria, humorística e rompedora no contexto da literatura infantil e jxuvenil actual que destaca tamén pola súa fácil lectura, polo humor escalofriante, e pola habilidade para desmitificar o mundo da morte».

Parabéns Ledicia!

Esta extraordinaria obra está cargada de mensaxes que chegan ao corazón. 

Non deixes de leela, pódela atopar na nosa biblio.

O PROXECTA NAS ONDAS

 O venres 15 de maio estivo a radio no colexio.
Foi unha  das actividades que organizamos dende o equipo da biblioteca, achegar  un estudio de radio aos nenos. Onda Cero estivo con nós e alí contamos moitas das actividades que realizamos no cole, entre elas a nosa participación no Plan Proxecta, . A experiencia para eles foi maravillosa, máxica, fabulosa...Escoitade que ben o contan os nenos e nenas de 4º e 5º!

DíA INTERNACIONAL DO LIBRO INFANTIL E XUVENIL

Hoxe 2 de abril celébrase o Día Internacional do libro Infantil e Xuvenil, co obxectivo de conmemorar outro célebre aniversario, o nacemento de Hans Christian Andersen, pai de historias infantís tan sorprendentes como "El patito feo", El soldadito de plomo", "La sirenita" e outros moitos contos que veñen acompañando a moitos nenos e nenas de distintas xeracións.

Hoxe celébrase o día mundial da poesía!
Foi declarado pola UNESCO o 21 de marzo como "Día mundial de la poesía" porque quixo darlle así un ímpeto social á poesía.
Dende entón, este día busca valorar aos poetas como persoas que coa palabra tentan mellorar o mundo.

Unha chulada os poemas infantís e poesías para nenos visto en leer.es via www.bosquedefantasias.com.
Si estás interesado fai clic na imaxe e a gozar...

Concerto-Presentación "BRINCA VAI!"

No no podedes perder! Se vos encantou o video que nos fixo gañador da Campaña do Concello de Vigo "Gústame o galego", o 1 de xuño tedes unha cita na Feira do Libro de Vigo con Paco Nogueiras Nodar, o autor da canción "meu o mundo é", tema incluido no seu novo libro-disco "BRINCA VAI" editado por Kalandraka,con ilustracións de David Pintor e vídeos musicais gravados por José Miguel Sagüillo. "Brinca Vai!" reúne doce cancións en galego dirixidas ao público infantil e familiar.

Paco Nogueiras é o compositor e intérprete de todos os temas, nos que aborda materias incluídas no currículo escolar: a natureza, os xogos tradicionais,a importancia dos libros e da lingua galega, ou celebracións como o Entroido, o Nadal, o Magosto e o Samaín. Destaca tamén polo amplo abano de estilos musicais contemporáneos, dende o rock ao reggae, pasando polo techno e a música electrónica, con influencias tradicionais.Trátase dunha proposta lúdica e transgresora, que transmite bo humor, e que se complementa con imaxes cheas de colorido, expresividade e dinamismo.
"Brinca Vai!" reúne lectura, expresión musical e corporal, creatividade artística e aprendizaxe global en clave de diversión.

Aquí tedes o video orixinal de "Meu o mundo é".Con motivo da súa chegada ás librarías de toda Galicia en vésperas do Día das Letras Galegas, “Brinca Vai!” publicou en Youtube o vídeo da canción, gravado na Zona Monumental de Pontevedra; un canto ao valor ilimitado da nosa lingua, na que se poden expresar e desenvolver todo tipo de emocións, experiencias e sectores: ciencia, arte, deporte, música, ensino, cine, teatro, literatura, industria ou investigación.

XL EDICIÓN DA FEIRA DO LIBRO

O pasado 23 de maio inaugurouse na Praza de Compostela a *XL Edición da Feira do Libro*, un proxecto literario no que teñen cabida diferentes sectores do mundo das letras: editoriais, institucións públicas, etc. A Feira preséntase este ano cun animado programa de actividades onde podemos atopar presentacións de novidades editoriais, firma de autores, obradoiros, concertos, etc. Tamén contará coa presenza das dúas bibliotecas públicas da cidade, a Biblioteca Pública Juan Compañel e a biblioteca do noso barrio, Biblioteca Municipal "Neira Vilas". 

IV EDICIÓN QONTARTE

Dende a Concellería de Educación do Concello de Vigo, en colaboración con OQO editora, na súa 4ª edición de QONTARTE,participaremos en tres obradoiros gastronómicos-literarios e de plástica creativa, para promover entre os nenos e nenas o coñecemento de distintos países europeos a través dos seus contos tradicionais e das súas manifestacións gastronómicas. Esta campaña titúlase: “COCIÑA DE CONTOS".

As monitoras da editorial OQO, Raquel e Cristina,impartirán os seguintes obradoiros: - Para 6ºA de E. Primaria: “EUROPA Á CARTA” o 19 de maio. - Para 1ºA e 1ºB de E. Primaria: “COAS MANS NA MASA” o 4 de xuño. - Para 6º de E. Infantil: “CONTOS A PEDIR DE BOCA” o 16 de xuño.

De momento deixámosvos as fotos de EUROPA Á CARTA, o primeiro dos obradoiros que fixo 6º A da man de Cristina e coa que quedamos encantados, achegándonos á gastronomía e cultura de países como Polonia, Italia, Francia, Portugal e España.

EUROPA Á CARTA on PhotoPeach

2 DE ABRIL DO 2014: DÍA INTERNACIONAL DO LIBRO INFANTIL

Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos. Cada ano unha Sección Nacional ten a oportunidade de ser a patrocinadora internacional do Día do Libro Infantil. Esa Sección elixe un tema e selecciona a un autor ou autora importante do país co fin de que escriba unha mensaxe para os nenos e nenas do mundo, e a un recoñecido ilustrador ou ilustradora para que deseñe un cartel que se difunde en colexios, bibliotecas, a través dos medios de comunicación, etc. Con este motivo organízanse diferentes actividades de animación, encontros con escritores e ilustradores, concursos e outras accións puntuais.

A través da OEPLI (Organización Española para o Libro Infantil e Xuvenil) podemos acceder ao poema da autora irlandesa Siobhán Parkinson:

CARTA AOS NENOS E NENAS DO MUNDO:

OS LECTORES, a miúdo lle preguntan aos escritores como escriben as súas historias - De onde saen as ideas? Veñen da miña imaxinación, contéstalles o escritor. Ah, claro, adoita responder o lector. Pero, onde está a túa imaxinación, de que está feita e é certo que todo o mundo ten unha? Ben, responde o escritor, está na miña cabeza, por suposto, e está composta de imaxes e palabras e recordos e rastros doutras historias e palabras e fragmentos de cousas e melodías e pensamentos e rostros e monstros e formas e palabras e movementos e palabras, ondas e arabescos e paisaxes e palabras e perfumes e sentimentos e cores e rimas e pequenos estalos e asubíos e sabores e explosións de enerxía e adiviñas e brisas e palabras. Todo iso xirando aí dentro e cantando e comportándose como un calidoscopio e aboiando e sentándose e pensando e rañando a cabeza. Por suposto que todo o mundo ten imaxinación: sen ela, non seriamos capaces de soñar. Porén, non toda imaxinación ten as mesmas cousas dentro dela. Probablemente, a imaxinación dos cociñeiros conteña na súa maioría sabores, da mesma maneira que a imaxinación dos artistas conterá sobre todo cores e formas. A imaxinación dos escritores está principalmente chea de palabras. Para os lectores oíntes de historias, as súas imaxinacións tamén se nutren de palabras. A imaxinación dun escritor traballa, dá voltas e dá forma ás ideas, aos sons, ás voces, aos personaxes e aos acontecementos ata convertelos nunha historia; esta historia non está composta doutra cousa que non sexan palabras, batallóns de garabatos desfilando polas páxinas. Entón ocorre que, de pronto, chega un lector e eses garabatos cobran vida. Seguen estando na páxina, seguen parecendo garabatos pero tamén están choutando na imaxinación do lector, e este dá forma e fía as palabras para que a historia agora teña lugar na súa cabeza, como tivo lugar na cabeza do escritor. Este é o motivo polo que o lector é tan importante para unha historia como o é o escritor. Só hai un escritor para cada unha delas, pero hai centos ou miles ou incluso ás veces millóns de lectores de historias, que len no mesmo idioma que o do escritor ou que quizais ata lean traducións en moitos outros idiomas diferentes. Sen o escritor, non nace o conto; sen todos os miles de lectores arredor do mundo, o conto non chegará nunca a vivir todas as vidas que pode vivir. Todo lector dunha historia ten algo en común cos outros lectores desa mesma historia. Separadamente, aínda que tamén dalgunha maneira xuntos, eles recrearon a historia na súa propia imaxinación: unha acción que é tanto privada como pública, individual como común, íntima como internacional. É, posiblemente, o que os humanos fan mellor. Seguide lendo!

Siobhán Parkinson Autora, editora, tradutora e gañadora do Premio na nÓg 

 Traducción: Concha Blanco

24 DE OUTUBRO: DÍA DAS BIBLIOTECAS

Pois o mellor xeito de conmemorar este día é afondando no coñecemento da xestión e organización da nosa biblioteca para poder facer un mellor uso dela e sacar proveito de todos os recursos que ofrece. Aquí tedes o MANUAL DE USUARIO/A da biblioteca e o plano con todas as seccións:

E agora escoitade esta canción do grupo Migallas que comeza así: " Cando esteas aburrido e non saibas que facer, colle un libro meu amigo, todo pode suceder"

Aquí tedes un LIM con actividades relacionadas co mundo das bibliotecas e os diferentes materiais que existen nelas. Foi elaborado por alumnos da Universidade Carlos III de Madrid.

ENCONTRO CON FRAN ALONSO

O pasado 29 de abril o alumnado de 6ºB tivo o pracer de coñecer a Fran Alonso, autor de "O brillo dos elefantes", libro elixido en galego dentro das recomendacións de lectura para este ano no marco do Plan Lector. A conversa co propio autor serviulles para desentrañar a profundidade da historia, unha historia de denuncia social que realmente emociona.O libro foi finalista do Premio Raíña Lupa.

2 DE ABRIL: DÍA INTERNACIONAL DO LIBRO INFANTIL

Dende 1967, o 2 de abril, coincidindo coa data de nacemento do escritor danés Hans Christian Andersen, o IBBY promove a celebración d Día Internacional do Libro Infantil coa finalidade de promocionar os bos libros infantís e xuvenís e a lectura entre os máis cativos e cativas. Cada ano unha Sección Nacional ten a oportunidade de ser a patrocinadora internacional do Día del Libro Infantil e selecciona un escritor/a e un ilustrador/a representativo do seu país para que elaboren a mensaxe dirixida aos nenos e nenas do mundo e o cartel, que se distribúe por todo o mundo, para promover a súa celebración en bibliotecas, centros escolares, librarías, etc.
Este é o cartel deste ano, xunto co manifesto,escrito polo autor mexicano Francisco Hinojosa baixo o título ‘Había una vez un cuento contaba el mundo entero’,

 Lemos xuntos, ti e eu. 

Vemos que as letras forman palabras

 e as palabras convértense en libros

 que estreitamos nas nosas mans. 

 Oímos murmurios 

e ríos buliciosos nas súas páxinas, 

osos que cantan 

graciosas melodías á lúa. 

 Entramos en misteriosos castelos 

e das nosas mans soben ata as nubes árbores florecidas.

 Vemos nenas valentes que voan e nenos que atrapan as estrelas.

 Lemos xuntos.

 Ti e eu, dando voltas e voltas, 

percorrendo o mundo coa alegría nos libros. 

 Poema de Pat Mora 

Traducción: Concha Blanco

Tripticox solapas from amtaboada

Presentámosvos ademais esta animación de Tomás Bases para Titirimundi Teatro para que coñezades máis polo miúdo a Hans Christian Andersen:

 

Preme na imaxe se queres comprobar o aprendido con esta actividade LIM (libro Interactivo Multimedia) realizado por Julia González do Ceip Mestres Goldar:

ACTUACIÓN DO MAGO CALI

III XORNADAS MUNICIPAIS DE TEATRO ESCOLAR

Celebraranse do 7 ao 10 de maio no Auditorio do Concello de Vigo.O noso alumnado de 5ºA actuará o xoves día 10 coa obra "Malos tempos para o detective Malow".

ARRANCA A XIRA DE INTERTEATRO 2012

O alumnado de 5º A protagonizará a peza teatral "Malos tempos para o detective Malow" de Chus Pereiro.

SINOPSE: O detective Malow, agobiado polas débedas, enfróntase a un caso de secuestro dun fabricante de salchichas.

Este é o reparto de actrices e actores:

Puriña: Elsa Cabaleiro Muñoz
 Malow: Hugo López Castro
 Sra. Verroallo: Eva Estévez Cerviño
Avogado: Pablo Carrera Gil
Caseiro: Sergio Juárez Araujo
Traballador e traballadoras:
Florencia Alonso Barboni
Ángel Álvarez Fernández
Berta Ballesteros González
Marta Dasilva Vidal
Uxía Iglesias Bernabé
Lucía Martínez Furgón
Jessica Rocha Pereira
Lin Chu: Josías Fernández Levrotto
Matóns de Lin Chu:
Andrea Casandra Timpu
José Aaron Crespo Carrera
Chuco Mengano: Sergio Cabaleiro
 TEXTO : Chus Pereiro
MÚSICA: Pablo Novoa

 UNHA MANCHEA DE AGRADECEMENTOS:
 A todas e a todos os que nos axudastes dunha ou doutra maneira.

Estas son as datas:

-4 DE MAIO: "Malos tempos para o detective Malow" no CEIP CANICOUVA.
-7 DE MAIO:"Ketumba Ketamba" CEIP CANICOUVA na nosa escola.
-10 DE MAIO: "Malos tempos para o detective Malow" no Auditorio do Concello de Vigo, dentro da programación das III Xornadas de Teatro Escolar.
-30 DE MAIO:"Malos tempos para o detective Malow" no CEIP SEIS DO NADAL.
-31 DE MAIO:"Atasco en Vigo" CEIP SEIS DO NADAL na nosa escola.

Ademais  tivemos a sorte de contar coa presenza no noso cole da propia autora, Chus Pereiro, o xoves 26 de abril, pouco antes do comezo da xira que tería lugar no CEIP Canicouva,onde actualmente imparte clases como titora de 3º curso.Soubemos que escribe por e para as nenas e nenos da súa escola, para poder dar vida a un texto mediante o teatro, que é a súa paixón, e que a publicación das súas obras non é o fin en sí mesmo senón unha consecuencia dese traballo co alumnado.
Deulles conselliños para a representación que lle serviron para espantar os nervios,o máis importante: que fixeran súa a obra, que a reinventaran, que experimentaran co texto, cos personaxes..!

FESTIVAL INTERNACIONAL DE TÍTERES DE REDONDELA 2012

Do 14 ao 20 de maio! Non perdades a oportunidade de achegarvos!Diversión asegurada!

Consultade a programación premendo na imaxe.

23 DE ABRIL / DÍA MUNDIAL DO LIBRO E DO DEREITO DE AUTOR

Compartimos este cartel da editorial Libros del Oso (Arxentina)

A nosa biblioteca celebrou o Día do Libro coa visita de Alfredo Gómez Cerdá o martes 24 de abril.O alumnado de 5ºA viviu un encontro moi agradable co autor,que xirou arredor do seu libro"Barro de Medellín", xa que todo o alumnado de 5ºA compartira a  lectura coa súa titora durante o curso.