ENCONTRO CON SABELA GAGO

Hoxe, os nenos e nenas de 3º de primaria, tivemos a sorte de asistir a unha sesión de contacontos con Sabela Gago, actriz de Sarabela teatro,que entusiasmou ao público asistente coa historia das 3 galiñas que querían ser as máis fermosas do galiñeiro.
Todos participaron activamente e riron sen parar con Sabela que foi quen de facer  voar a imaxinación dos cativos.
GRAZAS SABELA!!!

ENCONTRO CON PACO NOGUEIRAS Hoxe visitounos Paco Nogueiras, tivo unha sesión moi divertida de contos e música con 1ºA e B e por suposto tivo o detalle de saudar ós protagonistas do vídeo que o curso pasado gañou os concursos coa súa canción "En galego meu o mundo é". Disfrutamos moitísimo de poder BRINCAR xuntos. Ata a próxima! Esta foto publicouna el mesmo no seu Facebook, en canto poidamos, subiremos as que sacamos no cole!

CON SABELA GAGO

O 2 de febreiro visitounos de novo a gran actriz e mestra Sabela Gago, integrante da compañía de teatro ourensán SARABELA.
Estivo connosco animándonos a ler e facéndonos descubrir a maxia que hai dentro dos libros.
O encontro foi moi divertido, os nenos e nenas de 3º convertíronse en protagonistas por un día interpretando ... Graciñas Sabela !

COAS MANS NA MASA : QONTARTE

A partir do álbum ilustrado Maruxa, baseado na canción tradicional polaca Maryna Gotuj pierogi ( que escoitaredes de fondo mentres vedes as fotos) da que a artista portuguesa Mafalda Milhoes fixo as ilustracións, todo o alumnado de 1º curso de Primaria traballou con masa de pan como elemento de creación plástica e deu forma aos personaxes do conto: Pepiño e Maruxa.

ratoeira dos contos de Slidely by Slidely Slideshow

ENCONTRO CON SABELA GAGO

O 26 de marzo visitounos a gran actriz e mestra Sabela Gago, integrante da compañía de teatro ourensá SARABELA.
Estivo co alumnado de 3ºA e 3ºB e tamén co alumnado de 1ºB. O encontro foi moi divertido e participativo, animándoos a sumerxirse na maxia dos contos, interpretando... Graciñas Sabela !

ENCONTRO CON SABELA GAGO on PhotoPeach

ENCONTRO CON OLALLA GONZÁLEZ E MARK TAEGER

O alumnado de 5 anos tivo unha visita moi especial o 3 de maio: Olalla Gónzalez, adaptadora dos títulos de Kalandraka Chibós chibóns e Garavanciño e Mark Taeger, ilustrador de A verdadeira historia de carapuchiña, Aquiles o puntiño, Artur, Tic,Tac e Garavanciño levaron a cabo unha sesión de Contos ilustrados divertidísima onde a palabra, o xesto, a cor e as formas foron da man para dar vida a estes fantásticos contos que acapararon toda a atención das nenas e nenos!

CURSO SOBRE TÉCNICAS DE NARRACIÓN ORAL

O autor e contacontos Boniface Ofogo (Camerún, 1966) vai impartir un curso titulado "“As ferramentas do narrador oral”" os días 27 e 28 de abril, dirixido a docentes e estudantes de educación infantil, animadores socioculturais, educadores sociais, profesionais de atención socio-sanitaria e narradores. As sesións terán lugar en LIBROS PARA SOÑAR o vindeiro venres 27 de abril, de 17:00 a 20:00 horas,e o sábado 28, de 10:30 a 13:30 horas. O curso ten prazas limitadas e o prezo é de 24 euros.
BLOG DE LIBROS PARA SOÑAR

"OS CONTOS DO BARDO ABELARDO"

Cantamos e bailamos da man do músico Servando e o seu acordeón diatónico, que actuou no mes de febreiro para todo infantil no marco das actividades ofrecidas polo Servizo de Normalización Lingüística do Concello de Vigo.As historias que compartiu cos nenos e nenas trataron sobre o respecto á Natureza e a contribución ao seu coidado.A sesión estivo do máis animada!

OS CONTOS DO BARDO ABELARDO - foto montaje

ANIMANDO Á LECTURA DENDE A AULA DE MÚSICA

contos musicais on PhotoPeach

INICIO DA CAMPAÑA DE ANIMACIÓN Á LECTURA "CONTARTE" 2011

O Servizo de Educación do Concello de Vigo pon en marcha dende o día 24 de marzo ata o 29 de abril ( mes que conmemora o Día Internacional do Libro Infantil e Xuvenil) a campaña Contarte 2011 coa que se pretende achegar aos nenos e nenas ao mundo da arte dun xeito lúdico e diferente a través do álbum ilustrado e incidir así no fomento do hábito lector entre os máis cativos.

En colaboración con OQO Editora, con ampla e recoñecida traxectoria en actividades de dinamización pedagóxica de animación á lectura, durante este período realizaranse obradoiros especialmente deseñados para traballar á lectura do conto coma un espacio de achega á literatura, a interculturalidade e á creación artística.

Prevese a participación neste programa lector, formativo e de entretemento de máis de 2.600 alumnos e alumnas de educación Primaria de 22 centros escolares de Vigo aos que, con estas actividades, se tentará promover o desenvolvemento do seu espírito crítico e ofrecerlle medios para aprender novas formas de mirar.

KALANDRAKA CONTA CONTOS A TODO INFANTIL

O pasado venres 1 de abril,o alumnado de infantil acudiu á biblioteca do cole para facer maxia cos poderes que lle concederon as contacontos da libraría Kalandraka contos para soñar,en dúas sesións moi especiais na que deron vida con palabras e música de acordeón a contos como "O Gato Guille","Bailar nas Nubes" e "Pequena Lúa" entre outros.Seguro que cando volvan toparse con estes contos na biblioteca se lles debuxará na faciana a mesma expresión de emoción que capturaron as fotos, e se a lectura emociona, sinal de que estanse a xestar futuros lectores.
Ah! e se os vosos fillos e fillas  quedaron con ganas de máis historias, esta libraría ubicada no casco vello de Vigo organiza contacontos gratuítos os venres pola tarde.Consultade o horario das mesmas no seu blog e animádevos,caramba!
CONTACONTOS KALANDRAKA on PhotoPeach

CONTACONTOS KALANDRAKA continuación... on PhotoPeach

CONTACONTOS PARA TODO INFANTIL

Mostra dunha actividade de contacontos realizada a finais de febreiro para todo infantil cortesía de SM.

CONTACONTOS PARA INFANTIL - presentacion imagenes

NOVA XUNTANZA ARREDOR DO ÁLBUM ILUSTRADO

O día 23 ás 16:30h xuntámonos outra vez para contármonos contos.
Esta vez o tema foi a comida: Handa's surprise, Arándanos para Sal, La ovejita que vino a cenar, Una sopa de piedra,The tiger who came to tea, Cuentos del cocinero, A que sabe esta historia? e o primeiro álbum cartoneiro feito na escola por Diana de 5º A.

CONTACONTOS CON ANIMACIÓN MUSICAL

Actividade de contacontos con animación musical da man do músico Servando e cortesía da editorial SM.O luns 7 de febreiro actuou para todo o primeiro ciclo e o martes 15 de febreiro para todo infantil.As historias que compartiu cos nenos e nenas trataron sobre o respecto aos bosques e a contribución ao seu coidado.Aquí tedes unha mostra.

Contacontos con animación musical - diapositivas

CONTÁNDONOS CONTOS

Onte 26 de xaneiro tivemos a primeira xuntanza arredor do álbum ilustrado:  dous pais, unha nai, dúas mestras e  dous cativos que estaban na biblioteca.
O martes pola tarde repartímonos os álbumes para preparalos para o día seguinte. O tema era: Os  avós e as avoas:
"A avoa Encarna fai niño" un álbum  de Everest escrito por Xosé Antonio Neira  Cruz  e ilustrado por Noemí López.
"El yayo ...es el yayo" de Lilli Messina da Editorial Takatuka.
"Que lle acontece á avoa?/What's wrong with grandma?" Texto e ilustracións de Miguel Peralta e Xoana Álvarez da Editora viguesa Triqueta Verde.
"Avós" texto de Chema Heras; ilustracións  de Rosa Osuna na editorial Kalandraka
e "Sal e azucre" de Iván Prieto  de OQO Editora.
A  contadora de "Avós" viu á escola o 4 de febreiro para contárllelo ao alumnado de 5 anos de Infantil. 

Avós - diapositivas

A COUSA MARCHA...

Xa temos os contos contados,as saídas de San Roque realizadas e os Cadernos de Campo cubertos.Aí vai unha pequena mostra.Por certo, se queredes ollar os cadernos ou imprimilos pinchade na portada.

VISITA A SAN ROQUE on PhotoPeach

CONTACONTOS NA RATOEIRA on PhotoPeach